Foto: Nurjan Rahmetovtyń feısbýk paraqshasynan alyndy

Qyzylorda oblysynyń Tótenshe jaǵdaılar departamenti Baıqońyrda joǵalǵan eki uldyń biriniń denesi Syrdarııa ózeninen tabylǵanyn habarlady.

Departamenttiń málimetine súıensek, búgin Erhan Anastyń denesi Syrdarııa ózeninen tabylǵan, al ekinshi bala – Nuráli Orazbaev áli izdestirilýde.

– Izdeý jalǵasýda. Tań atysymen RF jáne QR polısııasy eriktilermen birge toptarǵa bólinip, qalany aralaýǵa kiristi. Qazirgi ýaqytta qutqarýshylar ózendi qarap jatyr. Prokýratýra jáne Tergeý Komıtetiniń resmı jarııalanymdarynan ahýaldy baqylaýdy suraımyz jáne qýattalmaǵan málimetke senbeýge shaqyramyz, – dedi Baıqońyr qalasynyń prokýrory Nurjan Rahmetov óziniń áleýmettik jelidegi paraqshasynda.

Qazirgi kezde atalǵan is boıynsha qylmystyq is qozǵaldy, tergeý jumystary júrgizilýde. Is prokýrordyń erekshe baqylaýynda bolady.

Eske sala keteıik, 20 aqpan kúni Baıqońyr qalasynda segiz jasar 2 bala joǵalyp ketken bolatyn.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir