Ilon Masktyń SpaceX kompanııasy ótken aptada kapıtal jınaǵannan keıin 74 mıllıard dollarǵa baǵalandy. Kóptegen ınvestorlar SpaceX-tyń  eki jobasy  kompanııany baǵalaýdy odan da joǵary kóteredi dep senedi. Sondyqtan bolashaqtaǵy aksııalarǵa degen suranystyń kóbeıetini kútilýde.

Kompanııa 2020 jyldyń tamyzyndaǵy qarjy jınaý kezinde 46 mıllıard dollarǵa baǵalanǵan. Al, osy joly "SpaceX aqsha jınaýdyń sońǵy kezeńindegi úsh kúnniń ishinde ınvestorlardan 6 mıllıard dollar usynys aldy" dep habarlady CNBC basylymy.

–SpaceX kompanııasynyń "Starship" jáne "Starlink" jobalary ınvestorlardy qyzyqtyryp otyr,– dep túsindirdi "Quilty Analytics"-tyń negizin qalaýshy Krıs Kýıltı. "Quilty Analytics"–ınvestısııalyq fırma jáne spýtnıktik baılanys sektoryna baǵyttalǵan zertteý júrgizedi. Krıs Kýıltı SpaceX-tyń eki jobasyn "parallel eki Manhetten jobasy" dep sıpattady.

Ilon Masktyń kompanııasy "Starship" dep atalatyn ǵarysh kemesin damytyp jatyr. Bul tipti qazirge deıingi eń iri ǵarysh kemesi.

Al, "Starlink" jobasy bul myńdaǵan jasandyserikterden turatyn ǵalamdyq spýtnıktik jeli. SpaceX kompanııasy tutynýshylarǵa joǵary jyldamdyqty ınternetti jetkizý úshin osy jabany qoldana bastady.

Ýoll-Strıttiń sarapshylary jáne salalyq taldaýshylar osy aptada "Starship" jáne "Starlink" baǵdarlamalarynyń joǵary baǵalanýyn jáne oǵan qatysty pozıtıvty damýdy túsindirdi.

–Bul baǵalaý SpaceX bolashaqta qandaı jetistikterge jete alatyndyǵy týraly kózqarasqa negizdelgen.Olardyń baǵasy óte joǵary, óıtkeni kommersııalyq iske qosý naryǵy ondaǵan nemese júzdegen mıllıard emes, mıllıardtaǵan dollarmen ólshenedi, sondyqtan siz Starlink-ke de nazar aýdarýyńyz kerek,– dedi "Bryce Space & Technology" kompanııasynyń bas dırektory Karıssa Krıstensen.

Keıbir nvestorlar 74 mıllıard dollarlyq baǵany óte joǵary dep oılasa da, "Ark Invest" sarapshysy Sem Korýs SpaceX kompanııasy trıllıon dollarlyq kompanııaǵa aınalýy múmkin dep oılaıdy.

–Men ǵarysh salasynda SpaceX-tiń ınnovasııalyq qarqynymen damyp jatqan eshqandaı kompanııany bilmeımin,– deıdi Korýs.

Aıta keteıik, ótken jyly Ilon Masktyń ǵarysh kompanııasynyń eki esege qymbattaýy múmkin ekeni habarlanǵan.

"Qamshy" silteıdi
Ilmek sózder: SpaceX Ilon Mask

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir