Qazaqstandyq kásipqoı boksshy Qanat Islam kezekti jekpe-jeginiń marapattaý rásiminde jeńisin Jańatasta órt saldarynan shetinegen sábılerdiń rýhyna arnaıtynyn aıtty.

Kásipqoı boksshy Qanat Islam Maıamı (AQSh, Florıda shtaty) qalasynda ótken boks keshinde ekvadorlyq Djeıson Mındany jetinshi raýndta tehnıkalyq nokaýtpen jeńgen.

Marapattaý rásiminde boksshy jeńisin 20 aqpan kúni Jańatasta órt saldarynan shetinegen sábılerdiń rýhyna arnaıtynyn aıtty: 

– Elimizde keshe ǵana óte úlken qaıǵyly jaǵdaı boldy. Sábılerimizden aırylyp qaldyq. Alla Taǵala olardyń janyn Jánnattyq qylsyn! Men jeńisimdi sol sábılerdiń rýhyna arnaǵym keledi, – dedi ol.

Sondaı-aq el basqaryp otyrǵan el aǵalaryna da óz sózin jetkizdi:

– Bizdiń “elim, jerim” degen el basqaryp otyrǵan aǵalardyń qulaǵyna altyn syrǵa! Qarapaıym halyqpen birge bolyńyzdar! Aıaqtaryń aspannan salbyrap túsken joqsyńdar! Árqashanda halyqpen birge bolyńdar!

Halqym, men sendermen birgemin! Jeńisim árqashanda sizder úshin! Elimiz aman bolsyn! Bárimiz osy dertten aman-esen shyǵaıyq! – dep sózin aıaqtady ol.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir