Qazaqstandyq kásipqoı boksshy Qanat Islam kezekti jekpe-jeginde  jeńiske jetti.

Ol ekvadorlyq Djeıson Mındadan basym tústi.

Bastapqyda 35 jastaǵy Islamnyń qarsylasy 33 jastaǵy ganalyq Obodaı Saı bolatyny habarlanǵan. Biraq keıin ózgergen.

10 raýndqa josparlanǵan kezdesý jetinshi raýndta aıaqtaldy. Qanat Islam qarsylasyn aldymen tórtinshi raýndta nokdaýnǵa túsirdi. Jetinshi raýndta referı taǵy da bir nokdaýn tirkedi. Artynsha  qazaqstandyq boksshy sol raýndta ekvadorlyq boksshyny nokaýtqa jiberip, jeńiske jetti.

Osylaısha, Qanat Islam kásipqoı bokstaǵy 28-shi jekpe-jeginde 28-shi ret jeńimpaz atanyp otyr. Onyń 22-sinde qarsylastaryn nokaýtqa jibergen.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir