“Nazarbaevqa raqmet aıtamyn”. Boksshy tuńǵysh prezıdent týraly oıyn aıtty

Sıdneı Olımpıadasynyń chempıony, Almaty qalasy máslıhatynyń depýtaty Ermahan Ibraıymov tuńǵysh prezıdent Nursultan Nazarbaevqa alǵys aıtty.

– Birinshi kezekte elbasy Nursultan Nazarbaevqa bizdiń tynyshtyǵymyz úshin raqmet aıtamyn. Ol 100 paıyz Qazaqstannyń shekarasyn shegelep tastady. Máselen kórshiles Qyrǵystan men Tájikistan memleketteriniń arasynda kóptegen máseleler sheshilmeı kele jatyr. Biraq Qazaqstannyń birinshi prezıdenti N. Nazarbaev búkil shekarany jáne Kaspıı-degi shekarany syzyp tastady. Mine men osy úshin elbasyny qatty syılaımyn. Osyny jasap elge beıbitshilik ornatyp otyr, – dedi boksshy.

Sonymen qatar Olımpıada chempıony prezıdent Qasym-Jomart Toqaev týraly da pikirin aıtty.

– Toqaev 2 jyldyń ishinde elge kóptegen jańalyqtar engizdi. Máselen jastarǵa jol ashyldy, jaǵdaıy tómenderge kómektesti, zeınetaqy qoryndaǵy qarajatynyń 50%-yn jaratýǵa múmkindik berdi, – dep E. Ibraıymov sózin túıindedi.