“5 balany syrtynan jaýyp ketý – naǵyz túk kórmegendik”. Ibraıymov 5 balanyń ólimine qatysty pikir bildirdi

Sıdneı Olımpıadasynyń chempıony, Almaty qalasy máslıhatynyń depýtaty Ermahan Ibraıymov byltyr Nur-Sultandaǵy úıden shyqqan órtten qaıtys bolǵan 5 balanyń ólimine qatysty pikir bildirdi. Bul týraly ol Nartaı Aralbaıulyna bergen suhbatynda aıtty.

– Shynyn kelgende, Áreket jasaǵan kezde, úıden shyǵar kezde, barlyq qaýipsizdikti qarastyryp ketýi kerek edi. Eń bolmasa kórshige tapsyryp ket, biraq bes balany túnde qaldyryp ketý qajet. Biraq 5 balany túnde qaldyryp ketý durys emes. Máselen týǵan-týys bar, áke-sheshe bar, solarǵa tapsyryp ket. Bir sózben aıtqanda balalardy bulaı qaldyrýǵa bolmaıdy. Bes balany syrtynan jaýyp ketý degen – naǵyz túk kórmegendik. Olardy sondaı sharaǵa ne ıtermeledi?!

Olar aýyldarynda bolmaǵan ketip qalǵan. Olar bulaı tastap ketpeı qoı baǵyp, ony semirtip bazarǵa satýlary kerek edi. Qalaǵa kelip osyndaı jaǵdaı boldy. Shynyna kelgende men olardy "kináli" dep aıta almaımyn. Degenmen olar barlyq sharany qarastyrý qajet edi, – dedi boksshy.

Boksshy óziniń ulynyń Dýbaıda júrip basseınge batyp ketip qaıtys bolǵanyn atap ótti. 

Eske sala keteıik, 2019 jyldyń 4 aqpanyna qaraǵan túni astanadaǵy Kóktal-1 turǵyn alabynda, jeke úıdiń aýmaǵynda ýaqytsha baspana órtenip ketken. Qutqarýshylar 2006, 2008, 2013, 2015 jáne 2018 jyly týǵan bes qyzdyń qaıtys bolǵan málimdegen bolatyn.