Qazaqstan Respýblıkasynyń Memlekettik hatshysy Qyrymbek Kósherbaev Almaty oblysyna jumys saparymen keldi. Memlekettik hatshy «Rýhanı jańǵyrý» baǵdarlamasynyń óńirde júzege asyrylý jáne jyr alyby Jambyl Jabaevtyń 175 jyldyq mereıtoıyn merekeleýge daıyndyq barysymen tanysty.

Saparda Memlekettik hatshymen birge Almaty oblysynyń ákimi Amandyq Batalov, Almaty qalasynyń ákimi Baqytjan Saǵyntaev, QR Mádenıet jáne sport mınıstri Aqtoty Raıymqulova, Jazýshylar odaǵynyń tóraǵasy Ulyqbek Esdáýlet birge júrip, Qarasaı jáne Jambyl aýdandaryndaǵy birqatar áleýmettik-mádenı nysandarda boldy.

Atap aıtsaq, resmı ókilder Qazaqstan Respýblıkasy Tuńǵysh Prezıdenti – Elbasynyń «Atameken» tarıhı-mádenı ortalyǵyndaǵy mýzeılik ekspozısııalarmen tanysty.

Atalmysh mádenı ortalyq Shamalǵan aýdanynda boı kótergen. 2017 jyly buqara úshin esigin aıqara ashqan edi. Nysannyń jalpy aýdany, 3,500 ga, al mýzeıdiń ornalasqan jeri 1249,5 sharshy metirdi quraıdy.

Elbasynyń «Atameken» tarıhı-mádenı ortalyǵynyń basty baǵyty- halyqqa mádenı jáne rýhanı qyzmet kórsetý. Murajaıda tuńǵysh Prezıdenttiń sara jolynan syr shertetin 4-ekspozısııalyq zal jumys jasaıdy. Tarıh qoınaıyna enetin qundy derekterge toly ǵımaratqa kelýshiler sany az emes. Atalǵan ortalyqqa 76 myńnan astam qonaq kelip, 2429 ekskýrsııa ótkizilgen.

Qyrymbek Kósherbaev ótken jyly qazan aıynda Almaty oblysyna taban tiregen bolatyn. Ol kezde, mınsıtirlik bekitken jumys josparlarynyń Jetisý ólkesinde júzege asyrylýyn baǵamdap qaıtqan edi.

Issapar barysynda, Memlekettik hatshy «Rýhanı jańǵyrý» baǵdarlamasy boıynsha «Týǵan jer» jobasynyń aıasynda boı kótergen «Úshqońyr» dene shynyqtyrý-saýyqtyrý keshenine bardy. Keshen ishindegi basseındi, sport zaldaryn aralap, daladaǵy fýtbol alańyn kórip, sporttyq jattyǵýlar men oıyndardyń barysyna kýá boldy.

Jyr alybynyń mereıtoıyn ótkizý jospary tanystyryldy

Bıylǵy jyldaǵy aıtýly sharalardyń biri, Jyr alyby Jambyldyń 175 jyldyǵy. Ǵasyr aqynynyń óshpes murasyn ulyqtaýdy umyt qaldyrmaǵan Qyrymbek Kósherbaev bastaǵan top J.Jabaevtyń ádebı-memorıaldy mýzeıine baryp, aldymen mýzeı aldyna qoıylǵan aqynnyń eskertkishine gúl shoqtaryn qoıyp, taǵzym etti. Jyr alybynyń ózi turǵan úı mýzeı retinde jabdyqtalǵan. Onyń ishki bólmelerin, aqynnyń tutynǵan buıymdaryn, mýzeı qabyrǵasyna jaǵalaı ilingen ómiri men tvorchestvosy týraly jádigerlerdi tamashalady. Oblys ákim Amandyq Batalovtyń aıtýynsha, ádebı mýzeı keıingi jyldary keńeıtilip, qosalqy ǵımaratpen tolyqtyrylǵan. Osy arada oblys basshysy bıylǵy mereıtoılaryna baılanysty Jetisý óńiri arnaıy shyǵarǵan Jambyl men Muqaǵalı aqyndardyń kitaptaryn qonaqtarǵa syıǵa tartty.

«Qasym Jomart Toqaev Kemelulynyń jarlyǵymen ótken jetide Jambyl jabaevtyń 175 jyldyǵyn uıymdastyryp,is-sharalardy ótkizý úshin arnaıy memlekettik komıssııa quryldy. Kelesi aptada birinshi otyrysy bolady jáne sizder bilesizder 28 aqpan kúni Jambyl aqynnyń týǵan kúni.Sonyń qarsańynda 6 aqpanda Nur-Sultan qalasynda jáne Qazaqstannyń barlyq eldi mekenderinde, sondaı-aq shetelderde Jambyl atamyzǵa qoıylǵan eskertkishterge gúl shoqtary qoıylyp ár túrli is-sharalar ótildi. Búgin biz Elbasy men Prezıdent tapsyrmasynyń sheńberinde, Almaty oblysynyń basshylyǵy,mádenıet mınıstirligi bárimiz osynda kelip,Jambyl atamyzdyń basyna táý etip,nıetimizdi bildirip,osy is-sharalardyń alǵashqy qadamyn jasap otyrmyz. Ulttyq rýhanı jańǵyrýdaǵy eń birinshi eske túsetin tulǵalardyń biri Abaı Qunanbaıuly men Jambyl Jabaev. Olardyń óshpes muralaryn urpaq jadynda jańǵyrtý paryzymyz»,-dedi Qazaqstan Respýblıkasynyń Memlekettik hatshysy Qyrymbek Kósherbaev.

Atap ótsek, Almaty oblysynda Jambyl Jabaevtyń mereıtoıyna baılanysty is-sharalar jospary ázirlengen. Onda aqyn týraly bıografııalyq fılmniń túsirilimi, ómiri men shyǵarmashylyǵyna qatysty kitaptar shyǵarý, aqyndar aıtysyn ótkizý, mádenı eskertkishter ornatý, sýretshilerdiń halyqaralyq plenerin ótkizý jáne t.b. sharalar qarastyrylǵan.

"Qamshy" silteıdi
Ilmek sózder: Jambyl Almaty oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir