• USD 468.56

  • EUR 497.56

  • RUB 7.3

  • CNY 67.18

29 Naýryz, 15:49:04
Almaty
+35°

Foto: Nur Otan baspasóz qyzmetinen alyndy

«Nur Otan» saılaýdan keıin nebári bir aı ishinde óziniń 216 saılaýaldy baǵdarlamasyn iske asyrý boıynsha ár jylǵa naqty kórsetkishteri bar Jol kartalaryn ázirledi. Elimizdiń ońtústik óńiriniń turǵyndary úshin atqarylatyn ister týraly partııanyń baspasóz qyzmeti habarlady.

Tuńǵysh prezıdent, partııa Lıderi Nursultan Nazarbaevtyń tapsyrmasy aıasynda árbir óńirde, qala men aýdanda júıeli baqylaýdy qamtamasyz etý úshin naqty nysanaly ındıkatorlar men merzimder belgilenip, sondaı-aq oǵan jaýapty oryndaýshylar aıqyndaldy.

Máselen, Jambyl oblysynda aldaǵy 5 jylda 986 kórsetkish pen 102 is-sharany oryndaý kózdelgen. 2021 jyly saılaýaldy baǵdarlama 19,3%-ǵa, 2022 jyly – 39%-ǵa, 2023 jyly – 58,9%-ǵa, 2024 jyly – 79%-ǵa jáne 2025 jyly 100%-ǵa oryndalady.

Bıyldyń ózinde 1221 km avtojoldyń 295 shaqyrymy, 697 km sýmen jabdyqtaý jelisiniń 266 shaqyrymy jóndelip, salynady. 107 eldi mekenniń 20-sy gazben qamtamasyz etiledi. 2022 jyly 11 aýylda, al 2023 jyly taǵy 25 eldi mekende aýyz sýdy tazartýǵa arnalǵan uńǵymalar ornatylady. Kelesi jyldyń sońyna deıin qatty turmystyq qaldyqtardy qaıta óńdeý/jaǵý zaýytyn salý josparlanýda. 5 jyl ishinde 84 myń jumys orny ashylady.

Túrkistan oblysynda 1623 kórsetkish pen 7497 is-sharany oryndaý josparlanǵan. 2021 jyly óńirlik saılaýaldy baǵdarlama 20,4%-ǵa, 2022 jyly – 40,7%-ǵa, 2023 jyly – 61,3%-ǵa, 2024 jyly – 81%-ǵa jáne 2025 jyly tolyǵymen iske asyrylady.

Osy jyldyń sońyna deıin 21 379 páterdiń 6,2 myńnan astamy, 111 medısınalyq nysannyń 13-i, 266 mekteptiń 85-i, 236 sport nysanynyń 50-i salynady. Jalpy, 40 myń jumys ornyn, 152 jańa kásiporyn ashý jáne keńeıtý, 214 jańa týrıstik nysan salý jáne t.b. josparlanǵan.

Qyzylorda oblysynda Jol kartasy aıasynda 611 kórsetkish pen 1776 is-sharany oryndaý kózdelgen. 2021 jyly partııa baǵdarlamasy 21,7%-ǵa, 2022 jyly – 42,1%-ǵa, 2023 jyly – 61,9%-ǵa, 2024 jyly – 79,5%-ǵa jáne 2025 jyly 100%-ǵa iske asyrylady.

Bıyl 1128 km avtojoldyń 396 shaqyrymyn, 503 km sýmen jabdyqtaýdyń 29 shaqyrymyn, 382 km gazben jabdyqtaýdyń 123 shaqyrymyn salý jáne rekonstrýksııalaý josparlanýda. 5 jyl ishinde 67 myń jumys ornymen qamtamasyz etý, 100 jańa týrıstik nysan salý kózdelip otyr.

Almaty oblysynda 1910 kórsetkish pen 6256 is-shara bekitilgen. 2021 jyly saılaýaldy baǵdarlama 20,1%-ǵa, 2022 jyly – 40,4%-ǵa, 2023 jyly – 61,2%-ǵa, 2024 jyly – 80,6%-ǵa jáne 2025 jyly 100%-ǵa oryndalady.

Bıyl 72 medısınalyq nysannyń 20-sy, 81 mekteptiń 10-y, jastarǵa arnalǵan 8 jataqhananyń 3-eýi, 65 mádenıet nysanynyń 4-eýi, 18 sport nysanynyń 2-eýi salynady. 2025 jylǵa deıin 134 myń jumys orny ashylady. 188,7 km jergilikti mańyzy bar avtojoldar, 11,9 km jylýmen jabdyqtaý jelileri salynyp, rekonstrýksııalanady, 99 eldi mekende gaz taratý jelileri salynady jáne t. b.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir