• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:26:22
Almaty

Memleket basshysy Qasym-Jomart Toqaev Reseı prezıdenti Vladımır Pýtınmen telefon arqyly sóılesti. Bul týraly Aqorda saıty habarlady. 

Saıt málimetinshe, memleket basshylary ekijaqty yntymaqtastyq pen Eýrazııalyq ekonomıkalyq odaq aıasyndaǵy ózara is-qımyl máselelerin egjeı-tegjeıli talqylaǵan.

"Toqaev eki eldiń pandemııaǵa qarsy kúres jumystaryna oń baǵasyn berdi. Qaraǵandy   qalasynda "Spýtnık V" vaksınasynyń óndirisi iske qosyldy. Eki eldiń úkimetteri reseılik vaksınany Qazaqstanǵa jetkizý týraly kelisimge keldi.

О́zara ýaǵdalastyqtar men tapsyrmalardy oryndaý maqsatynda eki el úkimetteri bir-birimen tyǵyz qarym-qatynasta jumys istep, naqty sheshimder qabyldap jatyr. Bıyl Kókshetaý qalasynda Qazaqstan men Reseıdiń aımaqaralyq yntymaqtastyq forýmyn ótkizý týraly kelisim jasaldy.  Al ony ótkizý formasyna qatysty naqty sheshim epıdemııalyq jaǵdaıǵa baılanysty qabyldanady.

Vladımır Pýtın Qasym-Jomart Toqaevtyń Eýrazııalyq ekonomıkalyq odaqty odan ári damytýǵa jáne onyń áleýeti men bedelin nyǵaıtýǵa qatysty barlyq usynystarymen kelisti. Prezıdentter atalǵan ıntegrasııalyq birlestiktiń qyzmetine qatysty máselelerdi sheshý úshin ózara tyǵyz baılanysta jumys isteýge ýaǵdalasty" delingen habarlamada.

Taraptar halyqaralyq naryqtaǵy búgingi úderister men syn-qaterlerdi eskere otyryp, energetıka salasyndaǵy birlesken jumystardy jalǵastyrýǵa kelisti.

Memleket basshylary ekijaqty yntymaqtastyq pen Eýrazııalyq ıntegrasııanyń negizgi problemalaryna qatysty eki eldiń ustanymdary men kózqarastarynyń sáıkes keletinine kóńilderi tolatynyn aıtty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir