BJZQ zeınetaqy tólemderine qatysty aqparat jarııalady

Biryńǵaı jınaqtaýshy zeınetaqy qory salymshylar ótiniminiń qabyldanbaý sebepterin túsindirdi.

О́tinimderdiń qabyldanbaý sebepteri:

• Somalar durys kórsetilmegen, onyń ishinde zeınetaqy jınaqtarynyń somasy artyq kórsetilgen.
• Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.
• Salymshylar alýǵa bolatyn soma sheginde emes, zeınetaqy jınaqtarynyń búkil somasyn kórsetti.
• О́tinimde ózekti emes somalar kórsetilgen, ıaǵnı salymshylar ınvestısııalyq tabystyń naryqtyq aýytqýyna baılanysty zeınetaqy jınaqtary somasyndaǵy ózgeristerdi eskermegen.
• "BJZQ" AQ derekter bazasynda jeke zeınetaqy shottary jáne tıisinshe zeınetaqy jınaqtary joq tulǵalardan da ótinimder túsken.
• Salymshylar qaıtalaıtyn ótinimder bergen.

Qor baspasóz qyzmetiniń aqparatynsha, 2021 jyldyń 16 aqpandaǵy jaǵdaıy boıynsha BJZQ-ǵa ýákiletti operatorlardan turǵyn úı jaǵdaılaryn jaqsartý maqsatynda birjolǵy zeınetaqy tólemderin júzege asyrýǵa 134 709 ótinish kelip túsken.

Onyń ishinde 5 420 ótinish jumysqa qabyldansa, 42 579 ótinish zańnama talaptaryna sáıkes kelmeýine baılanysty qabyldanbaǵan.

Jalpy somasy 469 mlrd teńgege 86 710 ótinish oryndaldy, atalǵan soma ýákiletti operatorlarǵa aýdarylyp, ótinish berýshilerdiń arnaıy shottaryna esepteldi. Tólemderdiń ortasha somasy shamamen 5,4 mln teńge.