Erbol Azanbek: "... As berip dalaqtap, aqsha shashyp júrgen bizden Ilon Maskter qazir shyǵa qoımaıdy-aý"

Tanys jigit habarlasty. Bir atanyń urpaǵy qor ashypty. Soǵan bankten shot ashsaq dep, jónin bilmekshi. Ol qor ne isteıdi? Álgi ata urpaqtary aı saıyn aqsha jınaıdy. Soǵan as, kókpar, báıge beredi. Túrin bilmeıtin atalaryna eskertkish ornatady. Kóbirek jıylsa meshit salmaqshy. Árýaq rıza bolady, urpaqtar bir-birin tanyp júredi, deıdi. Qyrtqan áńgime.

О́tkendi eske alý degen atpen, aqshany aýaǵa shashý. Ataǵa árkim úıinde quran baǵyshtaı alady.

Erlik, batyrlyǵyn árkim bala-shaǵasyna dastarhan basynda aıta alady.

Týysyn bylaı da toı-jıynda tanystyra alady. Atasynyń atynan qor qursyn. Aqsha jısyn. Biraq ol bolashaqqa qyzmet etsin. Sol ata urpaqtarynyń óner, bilim, sporttaǵy jastaryn qoldaýǵa jumsalsyn. Jastar arasynda konkýrs uıymdastyryp bıznesterin bastaýǵa bersin. Atasynyń atyndaǵy shákirtaqy taǵaıyndasyn. Aıyna bir ret jınalyp, myqty trenerlerdi jınap, dáris tyńdasyn. Myqty jastardy shetelge kýrsqa jibersin. Aýyly týraly derekti fılm, serıal túsirsin, fotoalbom shyǵarsyn, saıt ashsyn. Sol atanyń densaýlyǵy nashar urpaǵyn emdetsin. Tipti aqsha kóp jınalsa bir urpaq emes qazaqtyń bolashaǵyna áser etetin jobalardy qoldasyn. Atalarynyń shapaǵaty tıgeni, jaqsy aty jalǵasqany sol emes pe? Top bolyp as iship, eskertkish qoıýdyń kimge paıdasy bar?

Álgi jigit oılandy, biraq úlkender kónbeıdi, as berip, eskertkish qoıamyz, deıdi. Saı-saıda eskertkish ornatyp, as berip dalaqtap, aqsha shashyp júrgen bizden Ilon Maskter qazir shyǵa qoımaıdy-aý.