• USD 424.85

  • EUR 504.21

  • RUB 5.84

  • CNY 65.86

20 Qazan, 05:32:23
+10°

Premer-Mınıstr Asqar Mamın Shymkent pen Túrkistandy damytý jobalaryn tekserdi, dep habarlady primeminister.kz saıty.

Saıttyń málimetinshe, Mamın jumys sapary aıasynda Shymkent pen Túrkistan qalalarynyń kólik, turǵyn úı jáne áleýmettik-mádenı ınfraqurylymy obektileriniń qurylys barysyn, sondaı-aq óńirdiń ónerkásiptik jáne sý-energetıkalyq áleýetiniń damýyn teksergen.

Shymkentte úkimet basshysyna ótkizý qabileti saǵatyna 2000 jolaýshyny quraıtyn halyqaralyq áýejaıdyń jańa jolaýshylar termınalynyń qurylysy týraly baıandaldy. Ony bıyl qazan aıynda iske qosý kózdelgen. 

A. Mamın bıyl paıdalanýǵa berý josparlanǵan D. Qonaev dańǵyly men T. Rysqulov kóshesiniń qıylysyndaǵy kólik jolaıyryǵynyń qurylysyn tekserdi.

Sonymen qatar ol sorǵy qondyrǵylaryn, qubyr armatýrasy men elektr jabdyǵyn shyǵaratyn Karlskrona LC AB JShS-ǵa bardy. Kásiporynnyń qýattylyǵy 2,5 myńnan 10 myńǵa deıin sý sorǵysyn, sondaı-aq 7 myń tonna quıma men standartty emes jabdyqtardy quraıdy.

Premer-Mınıstr "Shymkent Sıtı" shaǵyn aýdanynyń qurylys barysymen tanysty. Onda ınvestorlar "Shymkent" áleýmettik-kásipkerlik korporasııasymen birlesip, turǵyn úı qurylysy (532 myń sharshy metr turǵyn úı) jáne bilim berý (3800 oryndyq 2 mektep) salalaryndaǵy 9 jobany iske asyrýǵa 199 mlrd teńge baǵyttaıdy.

Bıylǵy qańtar aıynda Shymkent qalasynda ónerkásip ónimin óndirý kólemi 2020 jyldyń tıisti kezeńine qaraǵanda 9,6 paıyzǵa ulǵaıyp, 54,4 mlrd teńgeni qurady. О́ńdeý ónerkásibinde turaqty dınamıka baıqalyp otyr, ol jyl basynan beri 10,6 paıyzǵa ósti. Farmasevtıka (+54,6 paıyz), koks jáne munaı ónimderin óndirý (+12,6 paıyz), ózge de metall emes ónimder (+12,2 paıyz), azyq-túlik ónimderin shyǵarý (+7,2%e paıyz) ósimniń negizgi qozǵaltqyshtaryna aınaldy.

Qurylys kólemi 27,5 paıyzǵa – 1,5 mlrd teńgege deıin ulǵaıdy, 32,6 myń sharshy metr turǵyn úı paıdalanýǵa berildi, bul 2020 jylǵy sáıkes kórsetkishten 2,8 ese artyq. Aýylsharýashylyǵyndaǵy óndiris kóleminiń ósýi 2,1 mlrd teńgege jetip, 8,8 paıyzdy qurady. Negizgi kapıtalǵa salynǵan ınvestısııalar 12,8 mlrd teńgege deıin ósti, bul 2020 jylǵy qańtardaǵy kórsetkishten 2,7 ese kóp.

2021-2025 jyldary Shymkent qalasynda 11 500 jańa jumys ornyn qura otyryp, 1,36 trln teńge somasyna 123 ınvestısııalyq jobadan turatyn pýl quryldy. Bıyl 2300 jumys ornyn ashýmen 129,2 mlrd teńgege 61 jobany iske asyrý josparlanyp otyr.

Premer-Mınıstr Túrkistan oblysyndaǵy sýarmaly sý tapshylyǵyn joıý jáne sýarmaly jerlerdiń tıimdiligin arttyrý jónindegi jumystardyń barysyn – Túrkistan magıstraldyq arnasyn kúrdeli jóndeý jáne ony Syrdarııa ózeninen toltyrý úshin mashına arnasyn salý,  "Keńsaı – Qosqorǵan-2" sý qoımasyn salý, Jetikól kól júıesin qaıta jóndeý jónindegi jobalar jumysynyń barysyn tekserdi. Osy jobalardy iske asyrý sý paıdalanýdyń jyl saıynǵy kólemin 195,4 mln tekshe metrge arttyrýǵa jáne AО́K óndiretin ónim kólemin 14 mlrd teńgege ulǵaıtýǵa múmkindik beredi.

Túrkistan qalasynda Úkimet basshysy áýejaı aýmaǵynyń abattandyrylýymen, turǵyn úı ınfraqurylymynyń qurylysymen jáne qalanyń iskerlik ortalyǵynyń damýymen, sondaı-aq ınvestısııalyq jobalardyń — "Kerýen-saraı" kópfýnksıonaldy týrıstik kesheniniń, oblystyq ǵylymı-ámbebap kitaphananyń, Tuńǵysh Prezıdent saıabaǵynyń, "Uly dala eli" ortalyǵynyń jáne B. Sattarhanov dańǵylyndaǵy jelilik saıabaqtyń iske asyrylýymen tanysty.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir