Foto: forbes.kz
IT salasyndaǵy Consilienz kompanııasyń teń tóraǵalaryny biri 27 jastaǵy Qazaqstan týmasy Elısar Nurmaǵambetov Forbes jýrnalynyń kásipkerlerdi qoldaýǵa baǵyttalǵan The Next 1000 2021 tizimine endi, dep jazady forbes.kz.
Elısar Nurmaǵambetov tanzanııalyq seriktesi Amır Sanderdjımen birge 2019 jyly Consilienz kompanııasyn qurǵan. Kompanııa jylystatylǵan qarajatty izdeý, alaıaqtyq sekildi qarjy qylmystary men adam saýdasy derekterin anyqtaý baǵytynda IT qyzmet kórsetedi.
Amerıkada orta kásipkerlik jaqsy jolǵa qoıylǵan. Eldegi 30 mıllıon kásiporyn men jumys kúshiniń úshten eki bóligi osy orta kásipkerliktiń enshisinde. Batyr kásipkerlerdi qoldaý úshin Forbes jýrnaly Next 1000 bastamasyn qurǵan. Bastama aıasynda tabysy 10 mln dollardan asatyn ambısııaly jeke kásipkerler, ózin qarjylandyratyn dúkender jáne startaptar qyzmeti týraly aıtylady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir