Túrkimenstanda IIM joǵary oqý ornynyń kýrsantyna jeńilýden bas tartqany úshin 14 jastaǵy dzıýdoshy Súleımen Tursynbaevty jarystan keıin sabap ketken. jas sportshy alǵan jaraqatynyń saldarynan kóz jumdy, dep habarlady turkmen.news.

Aqpan aıynyń basynda Ahal oblysynyń Baharden aýdanynda dzıýdodan týrnır bolǵan. Fınaldyq jekpe-jek aldynda Súleımenge qarsylasynan jeńilýdi usynǵan, biraq ol bas tartyp, laıyqty túrde chempıon atanǵan.

Súleımen Tursynbaı

Jarys aıaqtalǵannan keıin, sporttyq formadaǵy belgisiz jastar jas chempıonnyń jattyqtyrýshysyna shabýyl jasap, ony aıaýsyz uryp-soǵyp, jeńimpaz jigitti belgisiz baǵytqa alyp ketken. Artynsha jasóspirimdi de aıaýsyz uryp-soǵyp, kóshege ólimshi kúıde tastap ketken.

Sportshyny essiz jatqan jerden kezdeısoq ótip bara jatqan adamdar kórip, jedel járdem shaqyrǵan. Jasóspirimdi Ashhabadtaǵy aýrýhanalardyń birine aparǵan, biraq dárigerler Súleımenge kómek kórsetýden bas tartqan. Ony turǵylyqty jerindegi aýrýhanaǵa, 500 shaqyrymdaǵy Dashogýz velaıatynyń Kýnıaýrgenchskıı etrapyna aparýǵa keńes beredi. Sportshyny el astanasynan alyp, aýdandyq aýrýhanaǵa jetkizgen. Balany osylaı ary-beri súırep júrgende jaraqaty asqynyp,  sportshy birneshe kúnnen keıin kóz jumdy.

Ata- anasy

Qaıǵyǵa batqan ata-anasy Zııada Hodjakova men Matıakýb Tursynbaev Túrikmenstan prezıdenti Gýrbangýly Berdimuhamedovqa úndeý joldap, kinálilerdi zań boıynsha ádiletti jazalaýdy talap etýde.

Sportshynyń kózi tiri kezinde túsirilgen qysqa beınematerıaldarda aýrýhananyń tósegi qanǵa boıalǵanyn kórýge bolady.

Súleıman Tursynbaev týraly materıal jarııalanǵannan keıin Turkmen.news saıtynyń redaksııasyna jas qyrshynnyń qarsylasy memleket basshysynyń uly Serdar Berdimuhamedov áıeliniń týysy ekeni týraly jasyryn habarlama kelgen.

“Biz bul aqparatty rastaı da, teriske shyǵara da almaımyz. Dál sol derekkóz prokýratýraǵa kisi óltirýdi tergemeý týraly nusqaý berilgenin aıtty, óıtkeni Súleıman sátsiz qulap, oǵan eshnárse bolǵan joq eken” dep jazdy basylym.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir