Foto: ashyq derekkóz
ShQO polısııa departamentiniń ózindik qaýipsizdik basqarmasy áleýmettik jelide saýnada demalyp júrgen sýretteri taraǵan Semeı polıseılerine qatysty qyzmettik tergeý júrgizdi.
Vedomstvo málimetinshe, bıyl 29 qańtar kúni Semeıde jergilikti polısııa qyzmeti bólimshesiniń basshysy Rashıt Suńǵatov jáne ýchaskelik ınspektorlar monsha kesheninde bolǵan.
Tekserý nátıjelerine sáıkes, qyzmettik tártipti buzǵany úshin ortalyq polısııa bóliminiń jergilikti polısııa qyzmeti bólimshesiniń basshysy R.S.Suńǵatov qyzmetinen bosatyldy. Ýchaskelik polısııa ınspektorlary qatań tártiptik jaýapkershilikke tartyldy.
"Sonymen qatar óz mindetterin adal atqarmaǵany jáne jeke quramnyń baqylaýsyzdyǵy úshin Semeı polısııa basqarmasy men Semeı polısııasynyń ortalyq bóliminiń birqatar laýazymdy tulǵasy qyzmetinen bosatyldy" delingen habarlamada.
Monsha kesheninde bolǵan polısııa qyzmetkerlerine qatysty ýákiletti organǵa (ShQO Sanıtarlyq-epıdemıologııalyq baqylaý departamentine) sanıtarlyq normalardy saqtamaǵany úshin atalǵan qyzmetkerlerdi ákimshilik jaýapqa tartý úshin tıisti materıaldar joldandy.
– Departament basshylyǵymen ShQO PD jeke quramy arasynda tártip pen zańdylyqty saqtaý boıynsha qajet sharalar qabyldanyp jatyr, búginde bul basym baǵyttardyń biri bolyp sanalady. Birde-bir qyzmettik-áskerı tártipti buzý nazardan tys qalmaıdy. Qyzmettik-áskerı tártipti buzýdyń árbir deregi boıynsha muqııat tekserýler júrgiziledi, kináli tulǵalar men olardyń basshylaryna tártiptik sıpattaǵy eń qatań sharalar qabyldanady, – dedi vedomstvo ókilderi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir