• USD 468.56

  • EUR 497.56

  • RUB 7.3

  • CNY 67.18

29 Naýryz, 16:23:32
Almaty
+35°

Eks-depýtat Nurjan Áltaev qazaqstandyq oppozısııa bas biriktirip júıeli kúshke aınalýy múmkin ekenin aıtty. Sondaı-aq ol uıqyshyl Úkimettiń áreketine budan ári tóze almaıtynyn jetkizip, saıası belsendiler bir jaǵadan bas, bir jeńnen qol shyǵaryp áreket etpek. Bul týraly ol "Informbıýro" jańalyqtar qyzmetine bergen suhbatynda aıtty.

– Qorqyp, qorqyp onyń bárinen sharshadyq. Qazir kórip jatyrmyz ǵoı, bılik bilgenin jasap jatyr, - deıdi Áltaev. 

Al, eks-depýtattyń bul áreketin keı qoǵam belsendileri pıar dep esepteıtindigin jetkizdi.

- Oppozısııany biriktirý ıdeıasy kelgen kezde birinshi kezdesý kerek. Sol salada júrgen azamattarmen keńesip baryp, sheshim qabyldaý kerek. Al, eger olarmen kelispeı buqaralyq aqparat quraldaryna shyǵatyn bolsa, onyń strategııalyq emes kóbinese jarnamalyq pıary kóp degen sóz, –  deıdi  "Ekologııalyq Alıans" tóraǵasy Azamathan Ámirtaı.

Belsendiler bılikten top etip túskenderge kúmánmen qaraıtyn syńaıly. Sol sebepti, Áltaevty biri qoldasa, ekinshileri oppozısııada tájirıbesi az deıdi. 

– Bul bıliktiń kezekti bir jobasy shyǵar deýge bolady. Múmkin ol azamat ta jeke tutqıyldan tús kórip oń aıaǵynan turyp oılanyp, osy oppozısııany men qospasam kim qosady dep táýekelge kirisip ketken shyǵar. Solaı bolǵanda da ol oppozısııaǵa kelý, ony biriktirý ońaı sharýa emes - deıdi qoǵam belsendisi Rysbek Sársenbaıuly. 

Ázirge Áltaevty 19 adamnyń ishinen Ermurat Bápı men Toǵjan Qojalıeva qoldap otyr.

Jaqtastar bas qosyp eldi eleń etkizgen máselelerdi bir-eki aıda bir talqylamaq. Tirkelmegen partııa tóraǵasy jalǵyzdyń úni shyqpaıdy sondyqtan ózgelermen birikken durys deıdi. 

- Úlken ózgeris kerek. Qazirgi, "Nur Otan" partııasymen nemese Úkimette otyrǵan azamattarmen eshqandaı ózgeris jasaýǵa múmkin emes - dedi Nurjan Áltaev. 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir