Múgedektigi bar jandarǵa 25 mlrd teńge járdemaqy bólinedi

Qazaqstandyqtarǵa múgedektik jáne asyraýshydan aıyrylý boıynsha járdemaqy túrinde 32 mlrd teńgeden astam qarajat tólendi, dep habarlady kazinform.kz 

Qańtar aıynan bastap respýblıkalyq bıýdjetten 32,1 mlrd teńge bólinip, onyń ishinde

• múgedektigi boıynsha memlekettik áleýmettik járdemaqy retinde – 25,4 mlrd teńge, 
• asyraýshysynan aırylý jaǵdaıyna – 6,7 mlrd teńge tólendi.

Aqpannyń 1-i kúngi jaǵdaıǵa sáıkes, múgedektigi boıynsha memlekettik áleýmettik járdemaqy alýshylardyń sany 521,5 myń adamdy qurasa, asyraýshysynan aırylǵandar 165,9 myń adamdy quraıdy.

Múgedektik jáne asyraýshydan aıyrylý jaǵdaıatta memleket usynyp otyrǵan áleýmettik járdemaqy mólsheri múgedektiktiń toby men sebebine, qaıtys bolǵan, asyraýshynyń asyraýynda bolǵan adamdardyń sanyna, sondaı-aq tıisti qarjy jylyna arnalǵan "Respýblıkalyq bıýdjet týraly" zańda belgilengen eń tómengi kúnkóris deńgeıine baılanysty bolmaq.

• Múgedektik boıynsha memlekettik áleýmettik járdemaqynyń ortasha mólsheri - 48 693 teńge,
• Asyraýshydan aıyrylý jaǵdaıy boıynsha memlekettik áleýmettik járdemaqynyń ortasha mólsheri - 40 180 teńge.