Áskerı qyzmetker qyzdy eki birdeı zorlyqshydan qutqaryp qaldy

Áskerı qyzmetker Shymkentte qyzdy zorlaqtan qutqaryp qalǵan, dep habarlady zakon.kz.

Kezekti eńbek demalysynda júrgen Ulttyq ulannyń 6506 áskerı bólim sarbazy 13 aqpan kúni saǵat 00:40 shamasynda Jibek joly kóshesiniń boıynda kele jatyp, kenet qyzdyń shyńǵyrǵan daýsyn estigen. Dereý sol orynǵa jetip barǵan ol eki birdeı er azamattyń qyzdy jabylyp zorlaǵaly jatqanyn kórgen. 

Oılanbastan qyzǵa arasha túsýge umtylǵan oǵan álgi ekeýi tap beredi. Degenmen sarbaz bireýiniń qolyn qaıyryp úlgeredi, alaıda ekinshisi sol sátti paıdalanyp qashyp ketken. Artynsha oqıǵa ornyna 102 polısııasynyń ekıpajy shaqyrylyp, ustalǵan adam Eńbekshi aýdandyq polısııa bólimine jetkiziledi.

– Qyzdyń daýysyn estigende men dereý sol jerge bardym. Meniń ornymda bolsa kez kelgen adam dál osylaı jasaǵan bolar edi dep oılaımyn, – dedi Artem Kalashnıkov.

Kúdiktilerdi ustaý barysynda Artem qolyn jaraqattap alǵan, biraq soǵan qaramastan ol polısııa kelgenshe, er adamdy qımyldatpaı ustap turǵan. 

Bul is boıynsha qylmystyq is qozǵaldy, ekinshi kúdiktini ustaý jospary jarııalandy, dep tolyqtyrdy departament.