Ońtústik Qytaı teńizide Vashıngton-Beıjiń arasynda áskerı qaqtyǵys qaýpi órship barady. Sarapshylar Qytaıdyń Taıvanǵa tóndiretin qaýip-qateri jáne táýelsiz araldyń mańyndaǵy áskerı belsendilik kúsheıip bara jatqanyn aıtyp eskertý jasady.

Beıjiń "Taıvan máselesi soǵysqa ulasatynyn" ashyq jarııalasa, Sı Szınpın Baıdenge "qarsylasý apatqa ákep soǵatynyn" tótesinen aıtty.

Mamandar áskerı qaqtyǵys saldarynyń bolý qaýpi joǵary ekenin eskertedi.

Qańtarda AQSh prezıdenti Djo Baıden qyzmetke kirisken alǵashqy birneshe aptada qytaı soǵys ushaqtarynyń birneshe "iri shabýyldary" týraly habarlanǵan.

Al osy aptanyń basynda Baıden Aq úıde ant qabyldaǵannan soń alǵash ret Qytaı prezıdenti Sı Szınpınmen telefon arqyly sóılesti. 

Áńgime barysynda Sı Szınpın AQSh prezıdentine "qarsylasý apat" ákeletinin ashyq aıtty.

Jaqynda ǵana Beıjiń Taıvanǵa "táýelsizdikke umtylsa soǵys" bolatynyn qatań eskertý jasady. 

Qytaı soǵys ushaqtarynyń shabýyldaryn AQSh tasymaldaýshy áserı tobymen bir ýaqytta bir aımaqta ótkizdi.

Shıelenisken oqıǵalarǵa baılanysty Shyǵys Azııadaǵy áskerı sarapshy jáne "soǵystan keıingi Japonııanyń teńiz kúshi" eńbeginiń avtory Alessıo Patalano Express.co.uk saıtyna bergen suhbatta Qytaıdyń qaýip-qaterlerine baıypty qaraý kerek dep qatań eskertken. 

Al AQSh prezıdenti saılaý kezinde jáne prezıdent bolyp saılanǵan soń da, Qytaıǵa qatysty "qatań ustanym" ustanamyn dep ýáde berdi jáne sodan beri óziniń Beıjińge degen kózqarasynan taımady.
 
О́tken jyly AQSh pen Qytaı arasynda koronavırýs pandemııasy men saýda máselelerine baılanysty shıelenis bolǵan.

Saıası sarapshy jáne Aptos qalasyndaǵy Kabrıllo kolledjiniń antropologııa professory Dennıs Etler AQSh-tyń Qytaımen qarym-qatynasyna qatysty "Djo Baıden qıyn jerde qalyp qoıdy" dep málimdedi.

Ol Tramp ákimshiliginiń syrtqy saıasatyn eske ala otyryp, "Tramptyń Beıjińge qatysty qatań saıasaty keri áserin berip, ýáde etilgen nátıjege qol jetken joq" deıdi.

Professor Etler PressTV-ge Baıden eki partııalyq qoldaýǵa ıe bolǵannan keıin Qytaıǵa qysym jasaýy kerek bolady dep qosty. Ol sondaı-aq "Baıden kóp jaǵdaıda Tramptyń "qatal Qytaı" saıasatyn mura etip aldy, ásirese áskerı qaqtyǵystarǵa kelgende" dep málimdedi. 
 
– Demokrattar Vashıngtondaǵy bıliktiń barlyq tutqalaryn baqylaýǵa alǵannan keıin, olar ózderiniń oń qanatyndaǵy kez kelgen syndy seıiltý úshin Qytaıǵa qatal ekenderin kórsetý kerek, – deıdi professor Etler.
"Qamshy" silteıdi
Ilmek sózder: Qytaı AQSh

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir