• USD 468.56

  • EUR 497.56

  • RUB 7.3

  • CNY 67.18

29 Naýryz, 13:14:05
Almaty
+35°

Foto: Eńbekshiqazaq aýdany ákiminiń jelidegi paraqshasynan

Almaty oblysyndaǵy eń úlken ári halyq eń tyǵyz ornalasqan Eńbekshiqazaq aýdanynyń ákimi Qýanyshbek Qashqymbaev óz erkimen qyzmetinen ketetinin málimdedi. Ol bul qyzmette 7 aı ǵana bolǵan.

"Qurmetti aýdan turǵyndary, meniń oqyrmandarym! Men, Qýanyshbek Qalıuly Eńbekshiqazaq aýdanynyń ákimi qyzmetin óz erkimmen bosattym! Osy qysqa ýaqyt aralyǵynda tarıhy baı ólkede eńbek etkenime, aýdan turǵyndarynyń túıtkildi máselelerin kishkene bolsada sheshýge kómekteskenim úshin qýanyshtymyn! Aldaǵy ýaqyttada aýdan ákiminiń ornyna bilikti basshy keletinine senimdimin. 7 aı ýaqyt boıy birge jumys atqarǵan áriptesterime, aýdan turǵyndaryna úlken alǵysymdy aıtqym keledi! Eskere ketý kerek men osy laýazymdyq qyzmetti 2020 jyldyń 2 shildesinen bastap atqarǵan bolatynmyn!" delingen aýdan ákiminiń jelidegi paraqshasynda.

Eńbekshiqazaq aýdany ákiminiń baspasóz qyzmeti resmı habarlamadaǵy aqparattan ózge eshteńe aıtpady.

Qýanyshbek Qashqymbaev 1962 jyly týǵan. V.I.Lenın atyndaǵy Qazaq polıtehnıkalyq ınstıtýtyn, Máskeý memlekettik áleýmettik ýnıversıtetin bitirgen. Mamandyǵy boıynsha taý-ken ınjeneri-elektrık, zańger.

Qýanyshbek Qashqymbaev buǵan deıin Amaty qalasynyń jer qatynastary basqarmasynyń bastyǵy, Almaty qalasy Naýryzbaı aýdanynyń ákimi, Almaty qalasynyń aýyl sharýashylyǵy jáne veterınarııa basqarmasynyń basshysy bolyp jumys istegen.

"Qamshy" silteıdi
Ilmek sózder: Qýanyshbek Qalıuly

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir