• USD 424.85

  • EUR 504.21

  • RUB 5.84

  • CNY 65.86

04 Jeltoqsan, 23:04:01
Almaty
+5°
Hımııa ǵylymdary boıynsha PhD doktorant, ustaz Aıatjan Ahmetjanuly Nur-Sultan qalasynda №90 mektep-gımnazııanyń dırektory bolyp bekitildi.
 
Bul mektepti ardaqty ustaz, qaıymtanýshy, abaıtanýshy Erbol Irgebaı basqarǵan edi. Ol ulttyq mektep qalyptastyrýda Alash qaıratkerlerin úlgi tutqan ustaz bolatyn.
 
Buǵan deıin Aıatjan Ahmetjanuly №51 mektep-gımnazııanyń dırektory qyzmetin atqarǵan. Eńbek jolyn "Zerde" mamandandyrylǵan mektebinde hımııa pániniń muǵalimi bolýdan bastap, "Qazbilim" respýblıkalyq ortalyǵynyń negizin qalady. Ol jerde 5 jyl jetekshilik etti.

№90 mektep-gımnazııasy qyrkúıek aıynyń basynda ashylǵan. Erbol Irgebaı mektepti 5 aıǵa jýyq basqaryp, ókinishke qaraı, ómirden ozdy. Ol ózi abaıtanýshy, alashtanýshy edi. Maqsaty – ulttyq baǵytta jumys isteý bolatyn. Sol isin sońyna deıin jetkizemiz dep oılaımyn. Mektepte uıymdastyrylǵan kóptegen sharalary aıaqsyz qalmaıdy, – deıdi Aıatjan Ahmetjanuly.

Onyń aıtýynsha, mektep-gımnazııada Erbol Irgebaı atyndaǵy kabınet ashylady dep josparlanyp otyr.

Mektep bastapqyda "ulttyq gımnazııa" dep ashylǵan. "Ulttyq gımnazııa" degen ataýdyń ózi úlken mindet. Qazir bilim ordasynyń baǵyt-baǵdarymen tanysý jumystaryn júrgizip jatyrmyn. Endi mekteptiń abyroıyn jetildirý úshin júıeli jospar quramyz, – deıdi ustaz.

Ahmetjanuly ulttyq mekteptiń maqsaty – Alashtyń zamanaýı mektebin qalyptastyrý ekenin atap ótti.

Ulttyq mekteptiń maqsaty – Alash arystary negizin salyp ketken ulttyq pedagogıkany qalyptastyrý. Keshegi Ahmettiń, Maǵjannyń ıdeıalaryn búgingi urpaqtyń sanasyna, tárbıesine, bilimine paıdalaný. Sol baǵytta Alashtyń búgingi zamanaýı mektebin qalyptastyrý.

Ulttyq mekteptiń jalpy baǵdarlamasy – bireý, memlekettik standart – bireý. Biraq ulttyq mektepte ár dúnıege ulttyq reńk berýge bolady. Qosymsha ulttyq oıyndar, ulttyq tálim-tárbıege negizdelgen sabaqtar ótkizý, mekteptegi árbir is-sharaǵa ulttyq kózqaraspen qaraý máselesi qarastyrylady.

Álemde fın mektebi, japon mektebi, aǵylshyn mektebi degen uǵymdar bar. Al nege qazaq oqý-aǵartýynan osyndaı ulttyq mektep jasaýǵa bolmaıdy?! Árıne, bolady. Ol bir erekshe pándi kirgizýmen emes, mekteptegi ár máselege ulttyq kózqaraspen qaraýmen sheshiledi.

Nur-Sultan qalasyndaǵy №51 mektepti 5 aıdan asa basqardym. Oǵan Mustafa Shoqaıdyń atyn berý úshin jumys istedim. Endi jańa barǵan dırektor sol isti aıaǵyna deıin aparady dep senemin, – deıdi ol.

Ol jańa mektepte de óz baǵytynan, ustanymynan aınymaı, ulttyq bilim berý negizinde jumys isteıtinin jetkizdi.

Maqsatym – qazaqy ısi ańqyǵan taza ulttyq baǵyttaǵy mektep qalyptastyrý. Sol baǵyttan eshqashan aınymaımyn. Bilimi, tárbıesi qazaqy, ári zamanaýı mektep jasap shyǵaramyz, – dep sózin aıaqtady ustaz.

Aıatjan Ahmetjan 1986 jyly 18 shildede Qytaı halyq respýblıkasy, Shyńjaı-uıǵyr avtonomııalyq aýdany, Muńǵulkúre aýdanynda dúnıege kelgen.

2006 jyly Qazaqstanǵa oraldy.

2007-2011 jyldary L.N.Gýmılev atyndaǵy Eýrazııa ulttyq ýnıversıteti jaratylystaný ǵylymdary fakýltetinde hımııa mamandyǵy boıynsha oqydy.

2013-2015 jyldary hımııa ǵylymdarynyń magıstri dárejesin aldy.

Hımııa ǵylymdary boıynsha PhD doktorant.

Qundyzaı О́tegen

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir