• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:20:43
Almaty

Reseıdiń Qazaqstandaǵy tótenshe jáne ókiletti elshisi Alekseı Borodavkın "Komsomolskaıa pravda v Kazahstane" basylymyna bergen suhbatynda Qazaqstandaǵy til máselesi týraly oıyn ortaǵa saldy

Ulttyq biregeılik turǵysynan Qazaqstanda ultyna qaramastan qazaqsha sóıleý qajettigi anyq ekenin aıtqan ol sonymen qatar el konstıtýsııasynda memlekettik mekemeler men jergilikti ózin-ózi basqarý organdarynda orys tili qazaq tilimen resmı túrde qatar qoldanylatyny jazylǵanyn da eske saldy.

– Kez kelgen qazaqstandyq úshin orys tilin bilý – artyqshylyq beredi. Sondyqtan bul ıgilikten bas tartý aqylǵa syımaıtyn nárse bolar edi. Sonymen qatar Eýrazııadaǵy ıntegrasııalyq prosester memleketaralyq qarym-qatynas tili retinde orys tiliniń pozısııasyn nyǵaıtýdy kózdeıdi. Qazaqstandyqtar TMD keńistigindegi basqa adamdarǵa qaraǵanda orys tilin jaqsy meńgergen. Durys sóıleıdi, saýatty jazady. Qazaqstandyqtar mundaı artyqshylyqtan bas tartpaýy kerek dep oılaımyn. Kerisinshe, orys tilin meńgerý deńgeıin nyǵaıtýǵa kúsh salyp, oǵan balalaryn tereńdetip úıretkeni jón.
 
О́kinishke qaraı, burynǵy Odaqtyń búkil keńistiginde, onyń ishinde Reseı men Qazaqstanda orys tilin bilý deńgeıi tómendedi. Biraq biz oqytýshylardy jiberip, orta mektepter úshin muǵalimderdi kóbirek daıarlaý arqyly, oqý-ádistemelik materıaldardy shyǵara otyryp jaǵdaıdy túzeýge tyrysamyz. Qazaqstanda orys tilinde oqytatyn Reseı fızıka-matematıka mektebin ashý máselesi pysyqtalýda. Reseılik joǵary oqý oryndarynyń Qazaqstandaǵy fılıaldary týraly jáne qazaqstandyq joǵary oqý oryndarynyń Reseıdegi fılıaldary týraly kelisimder jasalyp jatyr, –  dedi eldi.
 
Onyń aıtýynsha, qazaqstandyq jastar Reseı JOO-na oqýǵa baryp jatqandyqtan orys tilinsiz qıyn bolady.
 
–  Búginde bizde 74 myńǵa jýyq qazaqstandyq stýdent bilim alýda! Qazaqstan joǵary bilimdi mamandar ustahanasyn joǵaltqysy kelmeıdi dep oılaımyn, – dep atap ótti Alekseı Borodavkın.
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir