• USD 468.56

  • EUR 497.56

  • RUB 7.3

  • CNY 67.18

29 Naýryz, 16:42:25
Almaty
+35°

Májilis depýtaty Darıǵa Nazarbaeva pedagogter jalaqysynyń tómendigi týraly úkimet basshysy Asqar Mamınge saýal joldady.

– Bizdi bilim salasyndaǵy sheshimin tappaǵan ózekti másele – memlekettik tapsyrys sheńberinde qarjylandyrylatyn jekemenshik balabaqshalardaǵy pedagogter jalaqysynyń tómendigi mazalap otyr. Aldaǵy eki jyl ishindegi memlekettik tapsyrysta mektepke deıingi jekemenshik mekemelerde pedagogterdiń jalaqysyn kóterý qarastyrylmaǵan. Bilim jáne ǵylym mınıstri mindetin atqarýshynyń 2020 jyldyń 20 qazan kúngi buıryǵymen qarjylandyrý ádistemesine ózgerister engizilgen, – dedi ol.

Onyń aıtýynsha, resmı jalaqyǵa túzetý koeffısıentin 2020 jyly – 25%, 2021 jyly – 50%, 2022 jyly – 75%, 2023 jyly – 100% mólsherinde engizý, pedagogterdiń eńbek demalysynyń uzaqtyǵyn 56 kúntizbelik kúnge deıin arttyrý týraly aıtylǵan. Atalǵan buıryq jergilikti jerlerde oryndalmaı otyr.

– Nátıjesinde, jekemenshik balabaqshalardyń pedagogteri óz eńbeginiń adal aqysyn ala almaı otyr. Bilim týraly zańǵa sáıkes, jergilikti atqarýshy organdar mektepke deıingi tárbıe berý jáne oqytý isine memlekettik tapsyrysty bekitedi. Eger de jergilikti bıýdjette qarajat tapshy bolsa, jan basyna qarjylandyrý tetigin iske asyrý úshin respýblıkalyq bıýdjetten maqsatty aǵymdaǵy transfertter esebinen shyǵyndardy óteý qarastyrylǵan.

Qazirgi ýaqytta ákimdikter bir balabaqsha tárbıelenýshisine jan basyna shaqqandaǵy normatıvtiń mólsherin erikti túrde anyqtaıdy. Al bul belgilengen normatıvtiń ortasha mólsherinen edáýir tómen. Nátıjesinde, jekemenshik balabaqshalar men pedagogter tıisti qarjyny ala almaı otyr. Kóptegen maman jumysynan aıyrylyp, mekemeler jabylýda, – dedi Nazarbaeva.

Osylaısha Darıǵa Nazarbaeva premer-mınıstr Asqar Mamınnen oblystarda memlekettik tapyrystyń kólemi qalaı qalyptasatynyn, jeke qarjylandyrý aıasynda bólingen qarjyny jergilikti ákimdikter is júzinde qaıda bóletinin, jergilikti atqarýshy organdardyń jeke qarjylandyrý kólemin tómendetýge quqyǵy bar-joǵyn surady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir