“Muǵalimder eńbekaqysy artty”. Toqaev Aımaǵambetovke birqatar mindet júktedi

Prezıdent Qasym-Jomart Toqaev Bilim jáne ǵylym mınıstri Ashat Aımaǵambetovti qabyldady. Bul týraly Aqorda saıty habarlady.

Mınıstr Aımaǵambetov prezıdentke Qazaqstan halqyna arnalǵan joldaýda, sondaı-aq Ulttyq qoǵamdyq senim keńesinde jáne úkimettiń keńeıtilgen otyrysynda berilgen tapsyrmalardyń oryndalý barysy týraly esep berdi.

Ashat Aımaǵambetov prezıdentke mınıstrliktiń pedagogter mártebesin arttyrý jónindegi sharalardy belsendi iske asyryp jatqany, muǵalimderdiń eńbekaqysy 25 paıyzǵa artqany týraly baıandady. Bıyl 200 jańa mektep salý josparlanyp otyr.

Ol memleket basshysyna pandemııa kezindegi oqý úderisiniń ahýaly jáne oqýshylardyń bilimin tolyqtyrý úshin qabyldanǵan sharalar, sondaı-aq balalarǵa qolaıly orta qalyptastyrý jáne "Kitap oqıtyn mektep" jobasyn iske asyrý jóninde aqparat berdi.

Kezdesýde balalardyń quqyqtaryn qorǵaý, otandyq kolledjder men joǵary oqý oryndaryn damytý, joǵary bilim berý sapasyn arttyrý, akademııalyq erkindikti qamtamasyz etý jáne oqý oryndaryn odan ári ońtaılandyrý máseleleri talqylandy.

Kezdesý qorytyndysy boıynsha Prezıdent Qazaqstannyń bilim jáne ǵylym salasyn odan ári jetildirý úshin mınıstrlikke birqatar mindet júktedi.