• USD 468.56

  • EUR 497.56

  • RUB 7.3

  • CNY 67.18

29 Naýryz, 04:16:57
Almaty
+35°

Foto: Almaty oblysy ákiminiń baspasóz qyzmeti

Memleket basshysynyń sybaılas jemqorlyqtyń aldyn alý jumysyn júrgizý barysynda azamattyq qoǵammen syndarly ózara is-qımyldy kúsheıtý qajettiligi týraly tapsyrmasy sheńberinde Sybaılas jemqorlyqqa qarsy is-qımyl Agenttiginiń tóraǵasy Almaty qalasynda qoǵam belsendilerimen ashyq dıalog ótkizdi.

– Belsendi azamattyq qoǵamsyz sybaılas jemqorlyqty azaıtý, onyń kózin joıý týraly aıtýdyń maǵynasy joq. Sondyqtan biz qoǵamdyq seriktesterdi tańdaýda ózimizdi shektemeımiz. Búgingi tańda Agenttiktiń 80 myńǵa jýyq sybaılas jemqorlyqqa qarsy belsendiler men eriktilerdiń qoldaýy bar, olardyń óteýsiz qyzmeti azamattardyń naqty máselelerin sheshýge kómektesti. Biz munymen toqtap qalmaımyz, jumysty jalǵastyryp, aldyn alý qyzmetin kúsheıtemiz, –  dedi Alık Shpekbaev.

Is-sharaǵa Almaty qalasy ákiminiń orynbasary Erjan Babaqumarov, memlekettik organdardyń basshylary, úkimettik emes uıymdardyń, buqaralyq aqparat quraldarynyń ókilderi, qoǵam qaıratkerleri, joǵary oqý oryndarynyń rektorlary, «Almaty – adaldyq alańy», «Sanaly urpaq» jobalyq keńseleriniń, arnaıy monıtorıngtik toptyń jáne olardyń fılıaldarynyń basshylary qatysty. Jıyn barysynda Qazaqstan Respýblıkasy Tuńǵysh Prezıdenti-Elbasy Qorynyń atqarýshy dırektorynyń orynbasary, Agenttik janyndaǵy sybaılas jemqorlyqqa qarsy is-qımyl jónindegi Qoǵamdyq keńestiń basshysy Igor Rogov shaqyrylǵan qonaqtardyń qatarynda boldy.

Otyrysty asha otyryp, «Almaty – adaldyq alańy» jobasynyń kýratory Erjan Babaqumarov jobany iske asyrý qorytyndylary boıynsha oń nátıjelerdi atap ótti: «Júrgizilgen jumys sheńberinde sybaılas jemqorlyq quqyq buzýshylyqtar deńgeıiniń tómendeýiniń, halyqtyń sybaılas jemqorlyqqa qarsy belsendiliginiń artýynyń oń serpini baıqalady, bul sybaılas jemqorlyqqa qarsy jumysty uıymdastyrý men júrgizýdegi jańa tásilderdiń saldary boldy».

Túrli formattaǵy is-sharalar arqyly júzdegen almatylyqtar eldegi qazirgi zamanǵy sybaılas jemqorlyqqa qarsy saıasat týraly jańa jáne qosymsha aqparat aldy, ózderiniń quqyqtyq bilimderin nyǵaıtty. Bul jumys qalanyń barlyq aýdandarynda «Adaldyq alańy» fılıaldary ashylǵannan keıin qosymsha serpin aldy.

Kezdesý barysynda jobalyq keńseniń jańa basshysy Qazaqstan Respýblıkasy Prezıdentiniń janyndaǵy ulttyq qoǵamdyq senim keńesiniń múshesi Aınur Sabıtova tanystyryldy.

– «Adaldyq alany»  jobasy aıasynda úlken jumystar atqaryldy. Turǵyndar sybaılas jemqorlyqqa qarsy jumystaǵy oń ózgeristerdi atap ótti, osy jylǵa jańa maqsattar qoıylyp, jekelegen jobalardy iske asyrý bastaldy. Qazir jergilikti atqarýshy organdarda jáne halyq úshin áleýmettik mańyzdy salalarda sybaılas jemqorlyq táýekelderine taldaý júrgizilýde, – dep atap ótti Aınur Sabıtova.

Spıkerler, Agenttiktiń jobalyq keńseleriniń jetekshileri sybaılas jemqorlyqqa qarsy is-qımyldyń ýaqytyly jáne úılestirilgen is-qımyldarynyń tıimdiligin, sondaı-aq jazanyń bultartpastyǵy qaǵıdatyn myzǵymas saqtaýdyń mańyzdylyǵyn atap ótti.

Shaqyrylǵan qoǵam belsendileri sybaılas jemqorlyqqa qarsy jumysqa, onyń ishinde qoǵamdy saıası jańǵyrtý jáne demokratııalandyrý prızmasy arqyly óz kózqarastary men túsinikterin bildirdi, sybaılas jemqorlyq táýekelderin belgiledi.

Agenttik  Tóraǵasy barlyq máseleler boıynsha tolyq túsiniktemeler berip, birqatar naqty ótinishterdi baqylaýǵa aldy, sondaı-aq memlekettik organdardyń basshylaryn sybaılas jemqorlyqqa qarsy is-qımyl salasyndaǵy jumysty kúsheıtýge, «Adaldyq alańy» jobasynyń jumysyn jandandyrýǵa shaqyrdy.

– Birde-bir másele nazardan tys qalmaıdy, biz úshin belsendi qaıratkerlermen árbir kezdesý mańyzdy. Biz basqarýshylyq sheshimderdi muqııat pysyqtaımyz jáne naqty qabyldaımyz, keıinnen munyń bári zańnamadaǵy ózgeristerde kórinis tabady, – dep Sybaılas jemqorlyqqa qarsy vedomstvo basshysy sózin qorytyndylady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir