Qazaqstannyń densaýlyq saqtaý vıse-mınıstri Ajar Ǵınııat taldyqorǵandyq meıirbıkeniń vaksına saldyrǵannan keıin qulap qalýy "vaksınanyń áserinen emes" dep rastady.

– Eki kúnniń ishinde 5000-nan astam medısına qyzmetkerine ekpe egildi. Taldyqorǵandaǵy jaǵdaıǵa kelsek, meıirbıkeniń qulap qalýy vaksınanyń áserinen emes. Meıirbıke ekpeden shoshynǵanyn aıtty. Ol kisiniń densaýlyǵynda vaksınaǵa qarsy allergııalyq belgiler bolǵan joq, – dep jaýap berdi.

Sonymen qatar ol Aqmola, Almaty, Qaraǵandy, Qyzylorda, Pavlodar, Túrkistan oblystarynda, Almaty, Nur-Sultan jáne Shymkent qalalarynda syrqatqa shaldyǵý artqanyn atap ótti.

– 27 900 pasıent emdelýdi jalǵastyrýda. Onyń ishinde 22 112 adam ambýlatorııala, 5788 adam stasıonarda emdelýde.

KVI-dy emdeý úshin stasıonarlarda 20 990 tósek-orny bar. Respýblıka boıynsha ınfeksııalyq kereýetterdiń qamtylý kórsetkishi 28%-dy quraıdy. Infeksııalyq stasıonarlarda reanımasııalyq kómek kórsetý úshin 1 884 oryn daıyn (tolyǵy 20%), – dedi vıse-mınıstr.

Aıta keteıik, búgin Taldyqorǵanda meıirbıke reseılik "Spýtnık V" vaksınasyn saldyrǵannan keıin esinen tanyp qalǵan bolatyn.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir