• USD 424.85

  • EUR 504.21

  • RUB 5.84

  • CNY 65.86

27 Qarasha, 13:56:16
Almaty

Reseılik oppozısıoner Alekseı Navalnyıǵa qatysty sot úkimine kelispegen 700-den asa adam sherýge shyqty, dep habarlady bbc.com saıty.

2 aqpan kúni Máskeý qalalyq soty shyǵarǵan sot úkimi boıynsha Alekseı Navalnyı shamamen 2 jyl 8 aıyn kolonııada ótkizedi. Navalnyıdyń qorǵaýshylary bul sheshimge shaǵymdanýdy josparlap otyr.

Bbc.com saıtynyń málimetinshe, sot ótip jatqanda Máskeý qalalyq soty ǵımaratynyń aldyna  adamdar jınala bastaǵan. Al keshke sot prosesi aıaqtalǵannan keıin taǵy júzdegen adam kóshege shyqty. "OVD Info" málimetteri boıynsha, bir kúnde 700-den astam adam ustalǵan.

Stalıngýlag telegram arnasynyń málimetinshe, beıbit sherýge shyqqan halyqqa kúsh kórsetilgen.

– Qazir Máskeýdiń ortalyǵynda erkin azamattardyń naǵyz genosıdi júrip jatyr. Beıbit, eshqandaı qarsylyq kórsetpeıtin adamdardyń qoldaryn kótertip, aıaýsyz uryp jatyr... Bul – Pýtınniń Reseı tarıhyndaǵy eń masqara kúni. Ánuran, shyńǵyrǵan aıqaı, halyqtyń basyna tıgen soqqylar... – dep jazdy Stalıngýlag telegram arnasy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir