• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:14:58
Almaty

Búgin úkimet otyrysynda bilim jáne ǵylym mınıstri Ashat Aımaǵambetov sapasyz joǵary oqý oryndaryn jabý jumysy ary qaraı jalǵasatynyn aıtty.

– Joǵary bilimniń sapasyn arttyrý úshin pedagogtardy, dárigerlerdi, zańgerler men sáýletshilerdi daıarlaıtyn ýnıversıtetterge erekshe biliktilik talaptary engiziledi.

Buǵan qosa akademııalyq adaldyqty buzǵany jáne sybaılas jemqorlyq quqyq buzýshylyqtary úshin lısenzııadan aıyrýǵa deıingi jaýapkershilikti normatıvtik-quqyqtarǵa bekitýge daıyndadyq. Sondaı-aq memlekettik baqylaý jónindegi zańnamaǵa lısenzııalaý jáne tekserý tártibin ózgertý, lısenzııalardy qaıtaryp alý rásimin engizý normalary boıynsha ózgerister engizemiz. Sapasyz joǵary oqý oryndaryn jabý jumysyn ary qaraı jalǵastyramyz, – dedi Aımaǵambetov.

Mınıstr kolledjderge akademııalyq derbestik beriletinin aıtty.

– Kolledjderge akademııalyq derbestik beriledi. Atalǵan shara bilim berý baǵdarlamalarynyń mazmunyn ózgertýge múmkindik berip, oqytý merzimderin qysqartady. Bilim sapasyn arttyryp, eńbek naryǵyna jyldam shyǵarýdy qamtamasyz etedi, – dedi ol.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir