• USD 424.85

  • EUR 504.21

  • RUB 5.84

  • CNY 65.86

29 Qarasha, 11:54:39
Almaty
+4°

Májiliste "Qazaqstan Respýblıkasynyń keıbir zańnamalyq aktilerine azamattardyń jekelegen sanattaryn áleýmettik qorǵaý máseleleri boıynsha ózgerister men tolyqtyrýlar engizý týraly" Zań jobasy tanystyryldy, dep habarlady májilistiń baspasóz qyzmeti.

Zań jobasyn tanystyrǵan eńbek jáne halyqty áleýmettik qorǵaý mınıstri Serik Shapkenov joba birneshe máseleni qamtıtynyn aıtty.

Aldymen 1-toptaǵy múgedektigi bar adamdarǵa kútim jasaıtyn adamdarǵa járdemaqy engizý josparlanyp otyr. Járdemaqy mólsheri 48 myń teńge. Munymen 24 myńnan astam adamdy qamtý kózdelýde.

Sondaı-aq ómir súrý men densaýlyq shektelýiniń halyqaralyq synyptamasyna sáıkes 7 jastan 16 jasqa deıingi balalar múgedektik toptar boıynsha bólinbek. Osy arqyly syrqattyń aýyrlyq dárejesine baılanysty járdemaqy mólsheri saralanǵan túrde belgilenedi. Bul rette, balanyń dene fýnksııasynyń buzylýy ártúrli dárejede bolýy múmkin: ortasha, aıqyn nemese óte aıqyn. Jańa normaǵa saı, múgedek balalardy 7 jastan bastap múgedektik toptary boıynsha 1, 2 jáne 3 toptaǵy múgedek bala dep bólý usynylýda. Norma 31 myńnan astam múgedek balaǵa qatysty.

Múgedektik toptary boıynsha jártemaqy tóleý tártibi tómendegideı bolmaq:

- 1 toptaǵy 7 jastan 16 jasqa deıingi múgedek balaǵa 65 860 teńge;

- 7 jastan 16 jasqa deıingi 2 toptaǵy múgedek balaǵa 54 541 teńge;

- 7 jastan 16 jasqa deıingi 3 toptaǵy múgedek 48 023 teńge. 

Zań jobasyndaǵy kezekti jańalyq múgedektigi boıynsha jáne asyraýshysynan aıyrylý jaǵdaıy boıynsha járdemaqylardy birdeı alý quqyǵyn taǵaıyndaý.

Atalǵan norma engizilgen kezde 2 myńnan astam bala múgedektigi boıynsha járdemaqymen qosa (mólsheri 41 163 tg-den 48 023 tg-ge deıin) asyraýshysynan aıyrylý boıynsha járdemaqy (mólsheri 12 063 tg-den 29 500 tg-ge) alatyn bolady.

Qazirgi ýaqytta olar tańdaýy boıynsha járdemaqynyń bir túrin ǵana alyp otyr.  

Osy normany qabyldaǵan jaǵdaıda ata-anasynyń bireýinen aıyrylǵan on alty jasqa deıingi múgedek bala, múgedektigi boıynsha 48 023 teńge mólsherindegi járdemaqydan basqa, eger bir asyraýyndaǵy adam bolyp tabylsa, asyraýshysynan aıyrylý boıynsha 29 500 teńge mólsherinde járdemaqy alatyn bolady.

Sondaı-aq múgedek balany kútý kezeńin 18 jasqa deıin uzartý usynylyp otyr. Qazir múgedek balany kútý kezeńi 16 jasqa deıin. Bul norma múgedek balalardyń jas toptarynyń ózgerýine baılanysty engiziledi.

"Qamshy" silteıdi
Ilmek sózder: memlekettik járdemaqy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir