01 Aqpan, 2021 NEWS
Foto: egemen.kz
Qazaqstannyń Ishki ister mınıstri Erlan Turǵymbaev 1 aqpannan bastap "102" mobıldi qosymshasy iske qosylǵanyn habarlady. Bul týraly ol óziniń áleýmettik jelidegi paraqshasynda jazdy.
– Búgin "halyq únine qulaq asatyn memleket" tujyrymdamasyn iske asyrý aıasynda biz resmı túrde azamattarǵa yńǵaıly jańa servıs – "102" mobıldi qosymshasyn iske qosamyz.
Táýlik saıyn polısııanyń jedel basqarý ortalyqtarynyń operatorlary 102-arnasyna kelip túsken 10 myńǵa jýyq habarlamaǵa jaýap beredi, – dedi ol.
Mınıstr oqys oqıǵa týraly aqparat polısııaǵa emes, áleýmettik jelilerde tez taralatynyn atap ótti.
– Ádette, ártúrli oqıǵalardyń kýágerleri fotosýretterdi nemese vıdeolardy óz paraqshalaryna salady nemese tanymal pablıkterge jiberedi. Bul oqıǵalardy bizdiń mamandar áleýmettik jelilerdi baqylaý kezinde anyqtaıdy. Bul rette polısııa qyzmetkerleri quqyq buzýshylyqtyń jolyn kesý nemese qylmysty "izin sýytpaı" ashý úshin paıdalanýyna qajet bolatyn qymbat ýaqyt joǵalady.
Sondyqtan Ishki ister mınıstrliginiń "102" mobıldi qosymshasy oqıǵa ornynan qysqa habarlama, sondaı-aq foto, vıdeo jiberýge múmkindik beredi.
Eger ózińizdiń nemese ózgeniń qaýipsizdigine nemese ómirine qaýip tónip tur dep oılasańyz, mas adamnyń rólge otyrǵanyn kórseńiz, zorlyq-zombylyqtyń kýási bolsańyz, janýarlarǵa qatygezdik jasalyp jatqanyn kórseńiz, kúdikti adamdy baıqasańyz, dereý habarlańyz, – dep habarlady Turǵymbaev.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir