Qazaqstannyń bas sanıtar dárigeri “Sputnik V” vaksınasyn saldyrdy

Qazaqstannyń bas sanıtar dárigeri Erlan Qııasov pen densaýlyq saqtaý vıse-mınıstri Ajar Ǵınııat koronavırýsqa qarsy "Sputnik V” vaksınasyn saldyrdy.

Vaksınasııa Nur-Sultandaǵy №6 qalalyq emhanada ótti. Vaksınany aldymen Erlan Qııasov, odan keıin Ajar Ǵınaıat saldyrdy. Ekpeden keıin olar 30 mınýt boıy dárigerler baqylaýynda bolady.

– Men ózimdi jaqsy sezinip turmyn. Birinshi dozany alǵan soń karantınge oqshaýlanýdyń qajeti joq. Men qazir jumysqa baramyn. Vaksınadan keıingi kútimdi ustanýǵa tyrysamyn. Degenmen barshańyzdy karantın rejımin saqtaýǵa shaqyrǵym keledi, – dedi Qııasov.

Densaýlyq saqtaý vıse-mınıstri Ajar Ǵınııat vaksına salarda esh ýaıymdamaǵanyn jetkizdi.

– Men únemi vaksına alamyn. Bul – eń tıimdi qorǵanys quraly, sondyqtan vaksınaǵa qol jetkizgen alǵashqy elderdiń biri bolǵanymyzǵa qýanýymyz kerek. Jeke ózim vaksına arqyly medısına mamandaryn, tutas halyqty qorǵaı alatynymyzǵa qýandym.

Vaksına salarda da esh ýaıymdaǵan joqpyn. О́ıtkeni men dárigermin jáne vaksınalyq preparattardyń artyqshylyqtary men keri áserlerinen habardarmyn, – dedi Ajar Ǵınııat.

Eske sala keteıik, prezıdent Qasym-Jomart Toqaevtyń tapsyrmasy boıynsha búginnen bastap Qazaqstanda koronavırýsqa qarsy "Sputnik V" vaksınasyn erikti túrde salý bastaldy.