Qazaqstandaǵy zeınetaqynyń turaqty túsim quny tómendedi

Qazaqstanda zeınetaqy annýıteti azamattar úshin aıtarlyqtaı qoljetimdi bola tústi. Bul týraly Qarjy naryǵyn retteý jáne damytý agenttigi tóraǵasynyń orynbasary Marııa Hadjıeva sózine silteme jasap, QazAqparat saıty habarlady.

Onyń aıtýynsha, ekonomıkalyq ósýdi qalpyna keltirý máseleleri jónindegi zań zeınetaqy annýıtetin berý qaǵıdalaryna biraz túzetýler engizgen.

• zeınetaqy annýıteti sharty boıynsha eń tómen tólem mólsherin eń tómen zeınetaqydan eń tómen kúnkóris shamasynyń 70%-na jaqyn ózgertýge;
• Zeınetaqy annýıteti aıtarlyqtaı arzandady. Máselen, 2020 jyly zeınetaqy annýıtetin jasaý úshin jetkilikti soma 55 jastaǵy er adamdar úshin 11,3 mln teńge, al 51,5 jastaǵy áıelder úshin 15,5 mln teńge bolǵan. Endi sol jastaǵy er adam annýıtetti – 6,7 mln teńge, al áıel adam – 9 mln teńge.

– Keıinge qaldyrylǵan zeınetaqy annýıtetin 55 jastan bastap tólemder alatyndaı bolyp, 45 jasta alǵan jaǵdaıda er adamda keminde 6,1 mln teńge, al áıelde 7,7 mln teńge bolýǵa tıis. Eger jalpy sıfrlardy alar bolsaq, búgingi kúni shamamen 61 myń adam 283 mlrd teńge somaǵa zeınetaqy annýıteti shartyn jasaǵan, sol arqyly olar ómirdi saqtandyrý jónindegi kompanııadan ózderine ómir boıǵy zeınetaqy tólemine kepildik aldy, – dedi Marııa Hadjıeva.

BJZQ-da zeınetaqy jınaqtary jetkilikti qazaqstandyqtar ózderiniń zeınetaqy jınaqtarynyń bir bóligin turǵyn úı jaǵdaıyn jaqsartýǵa nemese emdelý aqysyn tóleýge paıdalanatynyn, ne aqshasyn zeınetkerlikke jınaqtaı beretinin ózderi sheshýge quqyly.