Bekshın almatylyqtardyń koronavırýsty qaıdan juqtyrǵanyn aıtty

Almaty qalasynyń bas sanıtar dárigeri Jandarbek Bekshın almatylyqtardyń koronavırýs ınfeksııasyn qaıdan juqtyratynyn aıtty.

– KVI jaǵdaılaryn epıdemıologııalyq tekserý barysynda naýqastardyń 40%-y qoǵamdyq oryndarda, 20%-y qoǵamdyq kólikte, sondaı-aq 28%-y otbasylarynda juqtyrǵany anyqtaldy. Bul azamattar der kezinde aýrýhanaǵa oqshaýlanbaı, týysqandaryna qaýip tóndirgen. Sońǵy 3 aptada otbasylyq is-sharalar, toı jasaý, as, qudaıy tamaq berý kóbeıgen. Odan bólek qańtarda aýyrǵandar arasynda kınoteatrlar men teatrlarda juqtyrǵandar tirkelip jatyr, – dedi Bekshın.