Sanıtarııalyq-epıdemıologııalyq baqylaý departamentiniń basshysy, Almaty qalasynyń bas sanıtar dárigeri Jandarbek Bekshın onlaın brıfıng barysynda jańa shekteýler boıynsha qujat daıyndap jatqanyn habarlady.

Bekshınnen Almaty qalasy "qyzyl aımaqqa" enýine baılanysty qalada qandaı shekteýler engiziletinin surady.

– Brıfıngten keıin baryp, osy sharýany birjaqty etip, erteń biz engizetin jańa shekteý sharalary týraly aıtyp beremiz, – dedi Bekshın.

Almaty qalasy qoǵamdyq densaýlyq basqarmasynyń basshysy Narıman Tabynbaev qaladaǵy epıdemıologııalyq jaǵdaı alańdatyp otyrǵanyn aıtty.

– Almaty "qyzyl" aımaqqa endi. Covid-19 statıstıkasy sózsiz alańdaýshylyq týdyrady. Juqtyrǵandar sanynyń kúndelikti sany 130 adamnan tómen emes. Birinshiden, biz bul kórsetkishterdi vırýstyq ınfeksııalardyń maýsymdyq shyńymen baılanystyramyz. Ár túrli ssenarıılerdiń, sonyń ishinde jaǵymsyz jaǵdaılardyń damýyna qaramastan, qalanyń densaýlyq saqtaý júıesi koronavırýspen kúresýge daıyn, – dedi ol.

"Qamshy" silteıdi
Ilmek sózder: karantın almaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir