Prezıdent Qasym-Jomart Toqaev Portýgalııanyń qaıta saılanǵan prezıdenti Marselý Rebelý de Soýzany quttyqtady. Bul týraly Aqorda saıty habarlady.

"Saılaýdaǵy jeńisińiz – halqyńyzdyń sizge jáne Portýgalııanyń saıası-ekonomıkalyq turaqtylyǵy men onyń halyqaralyq bedelin nyǵaıtýǵa baǵyttalǵan sarabdal saıasatyńyzǵa degen seniminiń aıqyn dáleli ekeni sózsiz. Osy tusta sizdiń qajyrly eńbegińiz elińizdi búgingiden de bıik belester men tyń tabystarǵa jeteleı berýine tilektestigimdi bildiremin.

Qazaqstan men Portýgalııa arasyndaǵy dástúrli dostyq pen mazmundy saıası dıalogty, áleýeti joǵary saýda-ekonomıkalyq jáne mádenı-gýmanıtarlyq yqpaldastyqty odan ári damytý maqsatynda sizben birge kúsh-jiger jumyldyratynymyzǵa senimim mol" delingen jedelhatta.

Saıt málimetinshe, prezıdent Portýgalııanyń eýropalyq odaq keńesindegi jaqynda bastalǵan tóraǵalyǵyna tolaǵaı tabys tilep, Qazaqstan men EO arasyndaǵy keńeıtilgen seriktestik pen yntymaqtastyq týraly kelisim negizindegi jan-jaqty baılanystardyń óristeı túsetinine zor úmit artatynyn atap ótken.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir