49 mln teńge zeınetaqy tólemi ótinish bildirýshilerdiń shotyna túsedi

8 460 ótinim tekserýden sátti ótti. Zańnamaǵa sáıkes «BJZQ» AQ-ǵa ótinim kelip túsken kúnnen bastap 5 jumys kúninen keshiktirilmeı, salymshylardyń «Otbasy banki» AQ arnaıy shottaryna shamamen 49,2 mlrd teńge aýdarylady. Aýdarymnyń ortasha somasy – 5,8 mln teńge.

«BJZQ» AQ 1832 ótinimdi tómendegi negizgi sebepter boıynsha qabyldamady:

1. Somalar qate, ıaǵnı shottaǵy zeınetaqy jınaqtarynyń kóleminen asyra kórsetilgen. Sondyqtan ótinimderdi «Otbasy banki» usynymdaryn basshylyqqa ala otyryp, muqııat toltyrý kerek.

2. Jeke tabys salyǵyn (JTS) tóleý tásilin tańdaý kezinde alýǵa suranys jasalatyn somalar durys kórsetilmegen.

Salyq zańnamasy boıynsha mindetti zeınetaqy jarnalaryna Qorǵa aýdarylǵan kezinde JTS salynbaıdy, sondyqtan zeınetaqy tólemderine salyq salynýǵa tıis. Salymshy birjolǵy zeınetaqy tólemin alǵan kezde JTS tóleýdiń eki tásilin tańdaýǵa quqyly. Birinshi tásil – keıinge qaldyrý, ekinshi tásil – birjolǵy zeınetaqy tólemi kezinde salyqty tolyq kólemde birden tóleý. Salymshynyń sheshimi ýákiletti operatorǵa beriletin ótinimde kórsetilýi kerek.

Eger ótinish berýshi JTS tóleýdi keıinge qaldyrý týraly sheshim qabyldasa, onda ol ótinimde suratylatyn somany JTS-ty shegermesten kórsetýge tıis. Eger ótinish berýshi JTS-ty tolyq kólemde birden tóleýdi uıǵarsa, onda ol ótinimde alýǵa bolatyn somany 10% mólsherindegi JTS-ty shegere otyryp kórsetýi qajet.

BJZQ beretin úzindi kóshirmede salymshyǵa yńǵaıly jáne óz betinshe tańdaý jasaý úshin eki soma da kórsetilgen. Salymshy kórsetetin, alýǵa bolatyn soma BJZQ-dan onyń ýákiletti operatorda ashylǵan arnaıy shotyna túsedi.

3. О́tinimde alýǵa suranys jasalatyn somalar eń az jetkiliktilik shegin esepke almastan kórsetiledi. Salymshylar óz ótinimderinde alýǵa bolatyn jáne úzindi kóshirmede kórsetilgen soma sheginde emes, jeke zeınetaqy shotyndaǵy zeınetaqy jınaqtarynyń barlyq somasyn kórsetken.

4. О́tinimderde valıýta baǵamdarynyń qubylmalylyǵy jáne zeınetaqy aktıvteriniń ınvestısııalyq portfelindegi qarjy quraldary qunynyń ózgerýi nátıjesinde ınvestısııalyq tabystyń naryqtyq aýytqýyna baılanysty ózgeristerdi eskermeıtin ózekti emes somalar kórsetilgen.

5. «BJZQ» AQ derekter bazasynda jeke zeınetaqy shottary jáne tıisinshe zeınetaqy jınaqtary joq tulǵalardan da ótinimder túsken.

6. Salymshylar birin-biri qaıtalaıtyn ótinimder de bergen.

Osy jaıttardy eskere otyryp, azamattarǵa ózderiniń zeınetaqy jınaqtary týraly ózekti aqparatty, onyń ishinde qoljetimdi soma týraly málimetterdi enpf.kz saıtyndaǵy jeke kabınetten nemese Biryńǵaı jınaqtaýshy zeınetaqy qorynyń mobıldik qosymshasy arqyly birjolǵy zeınetaqy tólemderin alýǵa tikeleı ótinim berer aldynda muqııat tekserýge keńes beriledi.

Zeınetaqy jınaqtary týraly aqparat «Qazaqstan Respýblıkasynda zeınetaqymen qamsyzdandyrý týraly» QR Zańynyń talaptaryna sáıkes zeınetaqy jınaqtarynyń qupııasyn qamtamasyz etý maqsatynda salymshynyń ózine ǵana beriledi.