Jańa qaýly. Qazaqstannyń 6 óńirinde karantın kúsheıtildi

Shymkent qalasy jáne Aqmola, Atyraý, Shyǵys Qazaqstan, Jambyl, Qaraǵandy oblystarynda karantındik shekteý sharalary kúsheıtildi. Bul týraly oblystardyń bas sanıtar dárigerleri málimdedi.

Shymkent qalasynyń bas sanıtar dárigeri Ábdimanap Týlebaev karantındi kúsheıtýge qatysty jańa qaýly shyǵardy.

"Shymkent qalasynyń aýmaǵynda 25 qańtar saǵat 00:00-den bastap 08 aqpan saǵat 00:00-ge deıin karantın jáne shekteý sharalary uzartylsyn" delingen qaýlyda.

Jańa qaýlyǵa sáıkes: 

• balalardyń mektepke deıingi uıymdarynyń jáne saýyqtyrý lagerleriniń jumysy toqtatylady;
• jumys, demalys jáne mereke kúnderi qoǵamdyq kólik qozǵalysynyń jumysy 07:00-den 21:00-ge deıin shekteledi.

Aqmola oblysynyń bas sanıtar dárigeri Aınagúl Mýsına karantın sharalary týraly 23 qańtardaǵy №8 qaýlysyna ózgerister men tolyqtyrýlar engizdi.

Qaýlyǵa sáıkes, halyqqa qyzmet kórsetý ortalyqtarynyń jumysy 09:00-den 18:00-ge deıin isteıdi. Sondaı-aq HQO-ǵa arnaıy aldyn-ala jazylý arqyly barady.

Qaýly 2021 jyldyń 24 qańtarynda saǵat 00.00-den bastap kúshine enedi.

Atyraý oblysynyń bas sanıtar dárigeri M. Tanaýovtyń qaýlysy 22 qańtar saǵat 00:00-den bastap kúshine endi.

"Atyraý oblysy turǵyndary arasynda koronavırýs ınfeksııasynyń aldyn-alýǵa qatysty sharalar týraly" bas memlekettik sanıtar dárigeriniń 2021 jyldyń 21 qańtardaǵy №1 qaýlysyna ózgerister engizildi.

Bas sanıtar dárigerdiń qaýlysynda tómendegideı talaptar bar:

• qoǵamdyq tamaqtaný oryndarynda antıseptık qoldanylyp, karantın rejımi eskerilýge tıis; 
• 65 jastan asqan adamdardyń qalada júrýine shekteý qoıylady;
• adamdardyń kóp jınalýyna baılanysty kez kelgen is-sharalardy ótkizýge tyıym salynady (banket, toı, eske alý, týǵan kún, mereıtoı, shyǵaryp salý, qudalyq);
• Arnaıy medısiınalyq ortalyqtar, kabınetter, stomatologııalyq klınıkalar (aldyn-ala jazylý boıynsha) saǵat 09:00-den 18:00-ge deıin jumys isteıdi;
• azyq-túlik dúkenderi saǵat 09:00-den 18:00-ge deıin jumys isteýi kerek.

Shyǵys Qazaqstan oblysynyń bas sanıtar dárigeri H.Ilıýbaev oblystyń barlyq aýmaǵynda 25 qańtardan 7 aqpanǵa deıin shekteý sharalaryn kúsheıtý týraly qaýly shyǵardy.

"2021 jylǵy 25 qańtardan bastap 7 aqpanǵa deıin sharýashylyq jáne (nemese) ózge de qyzmetpen jáne halyqtyń tynys-tirshiliginiń erekshe jaǵdaılarymen shekteý sharalary uzartylsyn.

Shekteý is-sharalarynyń rejımi men merzimderi oblys aýmaǵynda COVID-19 koronavırýstyq ınfeksııasynyń taralýy boıynsha ahýaldyń ózgerýine sáıkes qaıta qaralýy múmkin" delingen qaýlyda.

Qujatqa sáıkes oblysta sanıtarlyq baqylaý beketteri qoıyldy. Shyǵys Qazaqstan oblysynyń syrtqy shekaralaryna Pavlodar oblysy jaǵynan eki baqylaý beketi qoıyldy.

Sonymen qatar "Aýyl", "Ýba", "Baqty", "Maıqapshaǵaı" (Shemonaıha, Borodýlıha, Úrjar, Zaısan aýdandary boıynsha 1 birlikten) ótkizý pýnktterinde 4 sanıtarııalyq beket jumys isteıdi. 

Jambyl oblysy Taraz qalasynyń bas sanıtar dárigeri R.O.Altynbasovanyń qaýlysyna sáıkes myna talaptar engizildi.

• oıyn-saýyq, sporttyq is-sharalardy, kórmelerdi, forýmdardy, konferensııalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynady;
• 65 jastan asqan adamdardyń qala boıynsha júrýi shekteledi;
• 3 adamnan aspaıtyn toptarmen nemese bir otbasy múshelerimen aýlalarda serýendeýge, saıabaqtarǵa, alańdarǵa, skverler men jaǵalaýlarǵa barýǵa ruqsat etiledi;
• turǵyn úılerdiń aýlalarynda jáne jalpy paıdalaný oryndarynda ornalasqan balalar oıyn alańdaryna 3 adamnan aspaıtyn toptarda barýǵa ruqsat etiledi;
• qoǵamdyq úı-jaılarda, qoǵamdyq kólikte, 5 jasqa deıingi balalardy qospaǵanda, sondaı-aq áleýmettik qashyqtyqty saqtaý kezinde qoǵamdyq tamaqtaný oryndarynda tamaq ishý jaǵdaılaryn qospaǵanda betperde kııý talaptaryn qatań saqtaýy tıis.

Qaraǵandy oblysy Jezqazǵan qalasynyń bas sanıtar dárigeri O. T. Baıǵojına 19 qańtardaǵy N1 qaýlysyna ózgerister engizdi.

Qaýlyǵa sáıkes Jezqazǵan qalasynyń turǵyndaryna:

• bir otbasy múshelerin qospaǵanda, 3 adamnan artyq adamdardyń jınalýyna tyıym salynda;
• 60 jastan asqan adamdardyń eldi mekender men qoǵamdyq oryndarda júrýi shekteledi;
• jerleý is-sharalaryn ótkizý kezinde keminde eki metr qashyqtyqty saqtaı otyryp, 5-ten astam adamnyń jınalýy shekteledi;
• oıyn-saýyq, sporttyq is-sharalardy, kórmelerdi, forýmdardy, konferensııalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynady.