• USD 424.85

  • EUR 504.21

  • RUB 5.84

  • CNY 65.86

18 Qazan, 04:15:40
Almaty
+3°

Senat Tóraǵasy pandemııaǵa baılanysty vaksınasııalaýdyń májbúrli túrde júrgizilmeıtinin aıtty. Bul týraly Máýlen Áshimbaev facebook-tegi paraqshasyna jazdy.

Senat spıkeri jazbasynda Toqaevtyń tóraǵalyǵymen ótken úkimettiń keńeıtilgen otyrysynda kóterilgen máselelerge nazar aýdaryp, prezıdent tapsyrmalarynyń mańyzyna toqtalǵan.

– Prezıdentimiz qazaqstandyqtardyń naqty tabysyn arttyrý, shaǵyn jáne orta bıznesti qoldaý, ekonomıkalyq ósýdi qamtamasyz etý máselelerine basa mán berdi. Sondaı-aq Qasym-Jomart Kemeluly memlekettik shyǵyndardy ońtaılandyrý, azamattardyń ótinishterin qaraýdyń tıimdiligin arttyrý jáne ınternettiń sapasy men jyldamdyǵyna qatysty máselelerdi sheshý jumystary boıynsha tapsyrmalar berdi, – deıdi Máýlen Áshimbaev.

Sonymen qatar, senat tóraǵasy vaksınasııalaý máselesi týraly sóz qozǵap, bul taqyryptyń qazir qoǵamda jan-jaqty talqylanyp jatqanyn atap ótken.

– Osy rette Densaýlyq týraly kodeksti qabyldaý kezinde senatorlar emdeýden jáne profılaktıkalyq ekpelerden bas tartý múmkindigi týraly túzetýler engizgenin atap ótken jón. Sondyqtan áleýmettik jelilerde aıtylyp júrgen keıbir pikirlerge baılanysty Qazaqstanda vaksına egýdi májbúrli túrde júrgizý múmkin emestigin aıtqym keledi.

Alaıda, tek vaksınasııa arqyly ǵana pandemııaǵa tosqaýyl qoıýǵa bolatynyn túsinýimiz kerek. Tarıhta mundaı jaǵdaı alǵash ret bolyp otyrǵan joq. Indet jaılaǵan kezeńderde vaksına adamzatty birneshe ret aman saqtap qaldy. Sondyqtan qazir tańdaý jasaýymyz qajet. Qansha ýaqytqa jalǵasatyny belgisiz, úlken áleýmettik saldary bar karantındik shekteýlerdi ári qaraı kúsheıtken durys pa, álde jappaı vaksınasııalaý arqyly ujymdyq ımmýnıtet qalyptastyryp, qalypty ómirimizge qaıta oralǵanymyz jaqsy ma? Jaýap árkimge túsinikti bolar.

Vaksınasııalaý – májbúrli shara emes. Biraq, tutas halyqtyń densaýlyǵyn saqtaý turǵysynan óte mańyzdy qadam. Sondyqtan memlekettik apparat pen qoǵamdyq ınstıtýttar bul baǵytta túsindirý jumystaryn keńinen júrgizýge tıis, – delingen jazbada.

Sondaı-aq Máýlen Áshimbaev úkimet otyrysynda prezıdent budan basqa da mańyzdy máselelerge toqtalyp, úkimet pen ákimderge naqty mindetter júktelgenin tilge tıek etken.

– Osyǵan oraı senat aldaǵy ýaqytta májilispen birlesip, memleket basshysynyń bastamalary men tapsyrmalaryn tabysty iske asyrýǵa qajetti zańdar qabyldaý jumystaryna basymdyq beredi, – dedi senat tóraǵasy.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir