Facebook.com
"2 mıllıard dollarǵa baǵalanǵan kazıno kompanııasynyń bas dırektory áıelimen birge COVID-19 vaksınasyn tezirek ektirý úshin durys emes aqparat berdi" degen aıyp taǵylǵannan keıin jumystan ketti.
"The Great Canadian Gaming" kazıno korporasııasynyń qyzmetkeri Rod Beıker men onyń áıeli Ekaterına erterek vaksına ektirý úshin alystaǵy Iýkon terrıtorııasyna barǵan. "Kóptegen baıyrǵy amerıkalyqtar turatyn aımaqta vaksınasııa kezeginiń jyljý jyldamdyǵy Kanadanyń basqa aımaǵynan tezirek" delingen derekterde.
Erli-zaıyptylar ózderin shaǵyn qonaqúıdiń jumysshylary retinde tanystyrǵan.
AQSh-tyń Alıaska shtatymen shekaralas Bıver-Krık shaǵyn qoǵamdastyǵynda vaksına ekkizgen soń kazınonyń bas dırektory tikeleı áýejaıǵa aparýdy ótingen. Olardyń bul áreketi kúdik týdyrǵan soń, tekserý bastalyp, nátıjesinde tezirek vaksına alý úshin erly-zaıyptylardyń jalǵan aqparat bergeni anyqtalǵan.
"Meni osyndaı ózimshil minez-qulyq ashýlandyrdy" dedi Iýkonnyń Qoǵamdyq qyzmetter mınıstri Djon Streıker.
Jergilikti baıyrǵy ulttyń kóshbasshysy Andjela Demıt óziniń Facebook paraqshasynda "ózimshil adamdar bizdiń qarttarymyz ben densaýlyǵy álsiz adamdarymyzdy qaýipke qaldyrdy" dep jazdy.
Al ereje buzǵan erli-zaıyptylarǵa Vankýver qalasynan Iýkonǵa kelgennen keıin 14 kún ózderin oqshaýlamaǵany úshin aıyppul salyndy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir