Úkimettiń keńeıtilgen otyrysynda premer-mınıstr Asqar Mamın bıyl 1 mıllıonnan astam adamnyń jalaqysy ósetinin aıtty, dep habarlady Kazinform saıty.

Premer-mınıstr 1,3 mln adam jumyspen qamtýdyń ártúrli sharasymen qamtylatynyn aıtty.

– Úkimet bıyl halyqty jumyspen qamtý jáne tabysyn arttyrý maqsatynda keshendi sharalardy aıqyndady. 1,3 mln adam jumyspen qamtýdyń ártúrli sharalarymen qamtylady. Bul jumyssyzdyq deńgeıin 4,9 paıyzǵa deıin tómendetedi. "Jumyspen qamtý jol kartasy" jumysy júzege asyrylýyn jalǵastyrady. Bul rette turaqty jumys oryndaryn qurýǵa basa mán beriledi. Eńbek naryǵyn jańa jaǵdaıǵa beıimdeý úshin jumyspen qamtýdyń jańa túrleri engiziledi, – dedi Asqar Mamın.

Onyń aıtýynsha, ekonomıkada qurylatyn jumys oryndary esebin tolyq júrgizý úshin jumyspen qamtýdyń óńirlik jol kartalary jasalady. Eńbek naryǵyn damytýdyń 2021-2027 jyldarǵa arnalǵan jospary ázirlenedi.

– Bıyl bıýdjet salasyndaǵy 1 mln-nan astam jumyskerdiń jalaqysy ósedi, – dedi ol.

"Qamshy" silteıdi
Ilmek sózder: Mamın jalaqy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir