Belsendi mıtıngte ózin tepken OMON qyzmetkerin jazalamaq (vıdeo)

54 jastaǵy Margarıta Iýdına Sankt-Peterbýrgte ótken mıtıngte ózin tepken OMON qyzmetkerin sotqa bermek.

– Men aýrýhanada jatqanda polıseıler shaǵymymdy tyńdaý úshin emes meni tepken OMON qyzmetkerin keshirýimdi suraýmen álek boldy. Adamǵa shabýyl jasalǵany anyq. Biz nelikten OMON qyzmetkerleriniń bizdi basymyzdan, ishimizden, qolymyzdan urǵanyn keshirýimiz kerek. Meniń ornymda kez kelgen adam bolýy múmkin edi, – dedi Margarıta Iýdına.

Aýrýhanaǵa túsken Margarıta Iýdınaǵa tek bir-aq ret medısınalyq kómek kórsetilgen. Onyń aıtýynsha, jastyq qanǵa boıalsa da dárigerlerdiń eshqaısysy kómekke kelmegen.

Oppozısıoner Alekseı Navalnyıdy qoldaý maqsatynda ótken mıtıngke qatysqan Margarıta Iýdına tergeý komıtetine shaǵym túsirmek. Ol ózin tepken OMON qyzmetkeri týraly aqparat bilmekshi.

"Novaıa Gazeta" jarııalaǵan vıdeodan OMON qyzmetkeri gúlmen Margarıta Iýdınanyń palatasyna kirip, keshirim suraǵanyn kórýge bolady. Belgisiz áıel palatadaǵy jaǵdaıdy vıdeoǵa túsirip tur. Arasynda áńgimege aralasyp belsendiden ony keshirýin suraıdy.

Esterińizge sala keteıik, 23 qańtarda Reseıdiń birneshe qalasynda qarsylyq aksııasy ótti. Halyq  oppozısıoner Alekseı Navalnyıdy túrmeden bosatýdy talap etti.