Qazaqstan prezıdenti Qasym-Jomart Toqaev sý kodeksine túzetýler engizgen zańǵa qol qoıdy, dep habarlady Aqorda resmı saıty.

"Memleket basshysy "Qazaqstan Respýblıkasynyń Sý kodeksine jergilikti ókildi, ortalyq jáne jergilikti atqarýshy organdar arasynda aýyzsýmen jabdyqtaýdy sýbsıdııalaý jónindegi ókilettikterdiń arajigin ajyratý máseleleri boıynsha ózgerister men tolyqtyrýlar engizý týraly" Qazaqstan Respýblıkasynyń zańyna qol qoıdy" delingen saıt mátininde.

Endi aýyl turǵyndary aýyz sý úshin az aqsha tóleı alady.

Buǵan deıin senattyń jalpy otyrysynda aıtylǵandaı, qazir aýyldarda aýyz sý tarıfteri qalalarǵa qaraǵanda joǵary. Munyń bir sebebi - aýyldardyń geografııalyq alystyǵyn, halyqtyń tyǵyzdyǵynyń tómendigin jáne basqa faktorlardy eskere otyryp, sý qubyry ınfraqurylymy qurylysynyń qymbattyǵy. О́ńirlerdegi sýdyń qunyn tómendetý úshin bul shyǵyndardyń bir bóligin memleket óz moınyna alady.

Usynylyp otyrǵan normalar óńirlerdiń damýyna jáne jergilikti atqarýshy organdar jumysynyń tıimdiligin arttyrýǵa yqpal etetin bolady.

Sýǵa tarıfterdi bekitýdiń jańa tetigi engizildi. Endi mundaı ókilettikti jergilikti ókildi organdar – máslıhattar alady. Sonymen qatar, jańa tarıfti qabyldaı otyryp, olar aımaqtyń áleýmettik-ekonomıkalyq damýyn jáne adamdardyń ómir súrý deńgeıin eskerýi kerek. Aýyl turǵyndary úshin tarıf ortasha oblystyq deńgeıden joǵary bolmaýy tıis.
Qazirgi ýaqytta respýblıka boıynsha berilgen aýyz sýdyń bir tekshe metri úshin eń tómengi tólem mólsheri 15 teńgeni quraıdy.

Osy zań alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

"Qamshy" silteıdi
Ilmek sózder: zań sý kodeksi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir