BJZQ zeınetaqy tólemderine qatysty aqparatty jarııalady

Biryńǵaı jınaqtaýshy zeınetaqy qory qazaqstandyqtar 2021 jyldyń 1 qańtarynda qansha aqsha jınaǵanyn jarııalady.

Qor baspasóz qyzmetiniń aqparatynsha, 2021 jyldyń 1 qańtarynda qor salymshylarynyń shottarynda 12,9 trıllıon teńge jınalǵan. Jyl boıy, ıaǵnı 01.01.2020 jyldan bastap 01.01.2021 jylǵa deıin soma 2,1 trln teńgege (20%) kóbeıgen.

Zeınetaqy jınaqtarynyń negizgi somasy:

• Mindetti zeınetaqy jarnalary (MZJ) esebinen – 12,6 trln teńge (2020 jyldyń basynan bergi ósim – 19%);
• Mindetti kásiptik zeınetaqy jarnalary (MKZJ) esebinen – 315,3 mlrd teńge (ósim 28%);
• Erikti zeınetaqy jarnalary (EZJ) esebinen – 2,2 mlrd teńge (ósim 12%).

"2020 jyldyń basynan beri salymshylardyń shottaryna jalpy kólemi 1,1 trln teńge zeınetaqy jarnalary aýdaryldy, ol 2019 jylǵy kórsetkishten 94,8 mlrd teńgege nemese 10% asyp tústi. Jarnalardyń jalpy kóleminiń 95,6 paıyzyn BJZQ-ǵa MZJ boıynsha aýdarylǵan 1,04 trln teńge mólsherindegi túsimder (ósim 10%) quraıdy. 46,9 mlrd teńgeniń aýdarymy MKZJ boıynsha (ósim 8%) jasalsa, 539 mıllıon teńge EZJ boıynsha (ósim 51%) aýdarylǵan" delingen resmı saıt taratqan habarlamada.