Foto: primeminister.kz
Úkimet qaýlysymen Sergeı Nıkolaevıch Gromov basqa jumysqa aýysýyna baılanysty ekologııa, geologııa jáne tabıǵı resýrstar vıse-mınıstri qyzmetinen bosatyldy. Bul týraly primeminister.kz saıty habarlady.
Sergeı Gromov 1959 jyly Taldyqorǵan oblysynda dúnıege kelgen. Ár jyldary aýdan ákimi, Ońtústik Qazaqstan oblysy ákiminiń birinshi orynbasary, prezıdent ákimshiliginiń memlekettik ınspektory, apparat basshysy, tóraǵa orynbasary, «Nur Otan» halyqtyq-demokratııalyq partııasynyń hatshysy, QR qorǵanys mınıstriniń orynbasary bolyp jumys istedi.
2013-2016 jyldary – parlament senatynyń V shaqyrylymynyń depýtaty, halyqaralyq qatynastar, qorǵanys jáne qaýipsizdik komıtetiniń múshesi.
2016-2019 jyldary – parlament senaty tóraǵasynyń orynbasary.
2019 jylǵy tamyzdan bastap QR ekologııa, geologııa jáne tabıǵı resýrstar vıse-mınıstri qyzmetin atqardy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir