Shymkent qalasynyń turǵyny Mamýtova Álııa 1-top múgedektigi bar qyzyna zorlyq jasalǵanyn aıtyp, prezıdent Qasym-Jomart Toqaevqa vıdeoúndeý joldady. 

"Meniń qyzym Tolǵanaı 1992 jyldan týylǵaly 1-top múgedegi. Sol múgedektigine kele-kele talma keseli qosyldy. Osy talma keseli qosylǵannan keıin men ıgere almaı qaldym. Sebebi qyzdan keıin eki balam bar, men jalǵyzbasty anamyn, olarǵa nan taýyp berý kerek boldy. Qyzyma qaraıtyn eshkim bolmady. Men sodan arnaýly mekemeler bar ǵoı dep qalalyq №2 múgedekter ınternatyna 2011 jyly alyp keldim. 2020 jyldyń 8 qarashasynda qyzymdy kórýge barsam, qyzymnyń mazasy joq. Nege ekenin surasam, "osy jazda bir aǵaı dáriger men apaı "osydan soń salmaımyz" dep spıral saldy" dep suq saýsaǵymen kórsetti. Jeksenbide basshylarmen jolyǵa almadym, sosyn Gúlmıra esimdi psıholog keldi. Psıhologtan "spıral salatyny ras pa?" dep suraǵanymda "ıá, salatyny ras, budan basqa 43 qyzǵa salǵanbyz, áıtpese qyzdar ekiqabat bolyp qala beredi" dedi. Odan ary ústime muzdaı sý quıǵandaı boldy. Ol jerdeginiń bári 1,2-top múgedegi. Bular kimnen jáne qalaı ekiqabat bolady? Nege olar spıral salady? Ony basqa qyzdardyń ata-anasy da bilmeıdi, eger qyzym aıtpaǵanda mende bilmes em" delingen vıdeoda. 

Ananyń aıtýynsha, osy jaǵdaıdy estigen soń 2020 jylǵy 9 qarasha men 19 qarasha aralyǵynda qyzyn alyp ketip, qalalyq medısına ortalyqtaryna teksertpek bolǵan, biraq dárigerler karantın dep qaıtaryp jibergen. 

"Men departamentke baryp, Ospanova Botakózben birge 13 adamnan komıssııa quryp bárimiz birge osy mekemede tekseris júrgizdik. Sonda 2011 jyly medısınalyq kartasynda "qyz" bop jazylǵan, 2012 jyly spıral salynǵan dep tur. Sosyn men 19 qarasha kúni shaǵym aryz tastadym. 2020 jyldyń 21 qarashasynan tergeý bastaldy. Osy tergeý bastalǵaly maǵan "qoǵamdyq shý kótermeńiz, eshqaıda jarııalamańyz" dep ustap keldi. Meniń qazirgi tergeýge kóńilim tolmaıdy. 3 aı boldy tergeý júrip jatqan joq. Shydaı almaımyn budan artyq. Osy oqıǵadan keıin adamdardan suraı bastadym. Mundaı mekemelerde osyndaı sumdyqtar burynnan bolyp kelgen, dáleldeı almaı qalǵan adamdar da bar. Men osyny kórip turyp úndemeı otyra almaımyn. Kóshede ıtti taıaqpen zorlaǵandar sottalyp jatqanda, men nege múgedek qyzymnyń aryn qorǵaı almaımyn. Nege olar osyndaı aıýandyq isteıdi?" dep shaǵymdandy Mamýtova Álııa. 

 
 
 
Posmotret etý pýblıkasııý v Instagram
 
 
 

Pýblıkasııa ot «QAZAQPYZ ǴOI» (@qazaqpyz_goi)

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir