Reseı bıligi: Mıtıngke shyqqandar repressııaǵa ushyraıdy (vıdeo)

Senbide Reseıdiń shyǵysynda reseılik oppozısıoner Alekseı Navalnyıdy qoldaý maqsatynda alǵashqy mıtıng ótti. Polıseıler mıtıngke 500 adam qatysqanyn aıtady. Basqa derekterge sáıkes, qarsylyq aksııasyna 3000 adam shyqqan.

Sibirdegi Iаkýtsk qalasynda halyq -50S temperatýraǵa qaramastan mıtıngke shyqty. "OVD Info" táýelsiz qoǵamdyq uıymnyń aqparatyna sáıkes, polısııa el boıynsha 48 adamdy ustap áketken.

Polıseıler ruqsat etilmegen kez kelgen mıtıngke qatysýshylar qatań jazalanatynyn habarlady. Sondaı-aq Reseı bıiligi narazylar qatań repressııaǵa ushyraıtynyn eskertti.

Mıtıng Reseıdiń 60 qalasynda ótedi dep josparlanǵan. Eń iri oshaqtardyń biri – Máskeýdiń Pýshkın alańy. Polıseıler qazirgi sátte alańdy qorshap alǵan.

Mıtıngke shaqyratyn vıdeorolıkter kóbine jasóspirimder otyratyn TikTok jelisinde de taraǵan. Reseıdiń bilim jáne ǵylym mınıstrligi ata-analaraǵa balalaryn mıtıngke jibermeýin qatań eskertti.

Alekseı Navalnyı kim?

Alekseı Navalnyı reseılik oppozısıoner. 2018 jyly ótken prezıdenttik saılaýǵa qatysqan. Alaıda onyń kandıdatýrasy alynyp tastaldy.

Byltyr tamyzda 44 jastaǵy Navalnyı belgisiz zatpen ýlandy. Alekseı Navalnyı buǵan Reseı prezıdenti Vladımır Pýtındi aıyptady. Onyń aıyptaýlaryna jýrnalıst tergeýshiler de qosyldy. AQSh pen EO Reseıden Navalnyıdy bosatýyn talap etýde.