• USD 424.85

  • EUR 504.21

  • RUB 5.84

  • CNY 65.86

20 Qazan, 07:21:50
Almaty
+11°

Memleket basshysy Qasym-Jomart Toqaev Densaýlyq saqtaý mınıstri Alekseı Soıdy qabyldady. Bul týraly Aqorda saıty habarlady.

Mınıstr prezıdentke koronavırýs indetine qarsy kúres boıynsha Qazaqstanda qabyldanyp jatqan sharalar jóninde esep berdi.

Sonymen qatar ol Toqaevqa pandemııanyń jer sharyndaǵy negizgi taralý tendensııalary jáne vırýsqa qarsy kúrestegi elimizdiń retıngi týraly da baıandady.

Dúnıejúzilik densaýlyq saqtaý uıymynyń deregine sáıkes, 1 mıllıon adamǵa shaqqandaǵy indetke shaldyqqandardyń sany boıynsha Qazaqstan 221 memlekettiń ishinde 109-orynda, ótkizilgen test synamalarynyń sany boıynsha 67-orynda, ólim-jitim boıynsha 94-orynda, COVID-19 indetinen jazylyp shyqqandardyń sany boıynsha 48-orynda, derttiń aýyr tııýi turǵysynan 50-orynda.

Soı memleket basshysyna óńirlerdegi epıdemııalyq jaǵdaı týraly, sonyń ishinde karantın sharalarynyń kúsheıtilýi jáne ulttyq  densaýlyq saqtaý júıesiniń qolda bar resýrstary jaıynda málimet berdi.

Ol juqpaly aýrýlar stasıonarlaryndaǵy dertke shaldyqqan adamdar jatatyn oryndardyń 33 paıyzǵa, jansaqtaý bólimderinde bul kórsetkish 21 paıyzǵa tolǵanyn aıtty.  

Alekseı Soı COVID-19 vırýsyn juqtyrǵandar sanynyń kóbeıýine qaramastan, elimizdegi ahýaldyń baqylaýda turǵanyn jáne medısınalyq qyzmettiń azamattarǵa qajetti kómek kórsetýge daıyn ekenin atap ótti.  

Mınıstr elimizde adamdardyń koronavırýstan qaıtys bolý deńgeıi byltyrǵy shilde aıymen salystyrǵanda 4 ese tómendegenin jetkizdi. Bul dertke shaldyqqandarǵa kómek kórsetý úshin qabyldanǵan sharalardyń, sonyń ishinde alǵashqy medısınalyq-sanıtarlyq járdem berý deńgeıiniń tıimdiligin kórsetedi. Beıindi vedomstvonyń málimeti boıynsha, barlyq óńirdegi salynǵan juqpaly aýrýlar aýrýhanalary halyqaralyq standartqa saı keledi jáne naýqastarǵa qajetti kómek kórsetýde.

Qasym-Jomart Toqaev Alekseı Soıǵa epıdemııalyq ahýaldy qatań baqylaýda ustaýdy, halyqty ýaqytyly ári tolyq qulaqtandyrý jumystaryn sapaly uıymdastyra otyryp, jappaı vaksına egýge daıyndyqty tıisti dárejede qamtamasyz etýdi tapsyrdy.

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir