BJZQ salymshylary zeınetaqy jınaqtarynyń bir bóligin qalaı paıdalana alady?

Indýstrııa jáne ınfraqurylymdyq damý mınıstrligi osy jyldyń 21 qańtarynda turǵyn úı jaǵdaılaryn jaqsartý úshin bir jolǵy zeınetaqy tólemderin paıdalaný erejelerin bekitti. Bul týraly mınıstrliktiń qurylys jəne turǵyn úı-kommýnaldyq sharýashylyq isteri komıteti tóraǵasynyń orynbasary Erkebulan Daýylbaev OKQ alańynda málimdedi.

Onyń aıtýynsha azamattar ózderiniń zeınetaqy jınaqtarynyń bir bóligin:

• kepildik bolǵan kezde turǵyn úı qurylysyna úlestik qatysý týraly sharttar boıynsha turǵyn úı satyp alý kezinde nemese akt bolǵan kezde kóppáterli turǵyn úıdegi úlesti berý týraly shart jasasý kezinde;
• jer ýchaskesin satyp alýdy qosa alǵanda jeke turǵyn úı salý úshin tolyq esep aıyrysý kezinde;
• ıpoteka alý, turǵyn úıdi satyp alý, bereshekti óteý, bankter arqyly ıpotekany qaıta qarjylandyrý úshin bastapqy jarna retinde;
• turǵyn úı qurylysy jınaqtary júıesi boıynsha jer ýchaskesin satyp ala otyryp, turǵyn úı satyp alýǵa nemese jeke turǵyn úı salýǵa arnalǵan ıpoteka boıynsha bereshekti alý, qaıta qarjylandyrýdy óteý kezinde;
• Islam bankiniń qarjylandyrýy sheńberinde úı satyp alý jáne osyndaı qarjylandyrý boıynsha bereshekti óteý kezinde;
• turǵyn úı qurylysy jáne daǵdarysqa qarsy baǵdarlamalar sheńberinde satyp alý quqyǵymen berilgen baspanany uzaq merzimdi jaldaý sharttary boıynsha bereshekti óteý úshin paıdalanýyna ruqsat etiledi.

Sondaı-aq turǵyn úıdi jóndeý jumystaryna bir bankten ıpotekalyq qaryz alǵan kezde paıdalanýǵa jol beriledi.