• USD 468.56

  • EUR 497.56

  • RUB 7.3

  • CNY 67.18

29 Naýryz, 17:55:08
Almaty
+35°

Almaty qalasy ákiminiń orynbasary Erjan Babaqumarov Almaty qalasy boıynsha sybaılas jemqorlyqqa qarsy is - qımyl Departamenti basshysynyń birinshi orynbasary Danııar Taýmuratpen birlesip «Almaty-adaldyq alańy» jobalyq keńsesi qyzmetiniń máseleleri boıynsha keńes ótkizdi.

Almatyda bul joba eki jyldan astam ýaqyttan beri júzege asyrylyp keledi. Basty maqsat - sybaılas jemqorlyqqa qatysty quqyq buzýshylyq deńgeıin qysqartý, sybaılas jemqorlyqty jalpy qabyldamaýdy qalyptastyrý, adamgershilik qaǵıdattaryn belsendi dáripteý.

Keńes barysynda júrgizilgen jumys qorytyndylary qaralyp, aǵymdaǵy jylǵa naqty baǵyttar belgilendi. Sybaılas jemqorlyq kórinisterine belsendi qarsy is-qımylmen qatar, adaldyq pen jaýapkershilikti, memlekettik qyzmet pen jalpy qoǵamda parasattylyq qaǵıdattaryn nasıhattaýǵa basa nazar aýdarylady.

Almaty qalasynyń barlyq aýdandarynda aýmaqtyq fılıaldar ashyldy. «Qoǵamda sybaılas jemqorlyqqa qarsy mádenıetti qalyptastyrý jáne nyǵaıtý máseleleri boıynsha ózara is-qımyl jáne yntymaqtastyq týraly kelisim» 34 qatysýshymen (memlekettik organdar, qoǵamdyq uıymdar) jasaldy.

Mańyzdy jobalar arasynda:
- E-PIK – Almaty qalasynda 836 PIK-nen 694 PIK (83 %) elektrondyq-sıfrlyq formatta jumys isteıdi. MIB-tegi transformasııaǵa baılanysty ózara is-qımyldyń jańa júıesi pysyqtalýda;
- «Adal Jol» - Almaty metropolıteni jolaýshylarynyń «Almaly» jáne «Abaı» stansııalarynda kedergisiz ózine-ózi qyzmet kórsetýi - 1,5 jyl ishinde jol júrý talaptaryn buzý deńgeıi shamamen 0,04% - dy qurady%;
- «Adal Bol» - sýpermarketterde taýarlardy satýshynyń qatysýynsyz satýdyń jańa sıfrlyq tásili -1,5 jyl ishinde satyp alýshylardan 36 myńǵa jýyq oń pikir tústi;
- «Akselerator Dobra: Izgilik elshisi» - . Almatynyń 1,9 myń eriktisi halyqqa túrli áleýmettik qoldaý kórsetti;
- «Sybaılas jemqorlyqqa qarsy nasıhat: jańa stıl» - 1,5 jyl ishinde eńbek jáne oqý ujymdarynda 2560 adamdy tikeleı qamtı otyryp, quqyqtyq saýattylyq jáne turmystyq saladaǵy yqtımal sybaılas jemqorlyq táýekelderi men qaterleri týraly ýaqtyly habardar etý boıynsha 69 kezdesý ótkizildi;
- Almaty qalasyndaǵy túrli nysandardy bıýdjettik qarjylandyrý boıynsha «Ashyq bıýdjetterdiń ınteraktıvti kartasy» - Almaty qalasynyń uıymdary 857,7 mlrd teńge somaǵa óz bıýdjetterin publicbudget.kz portalynda ashyq qoljetimdilikte ornalastyrdy.
«Almaty – adaldyq alańy» jobalyq keńsesiniń basshysy Aleksandr Bratenkov Transparency Kazakhstan QQ áleýmettik zertteý nátıjeleri boıynsha Almatydaǵy sybaılas jemqorlyqty qabyldaý jaǵdaıy men deńgeıi aıtarlyqtaı tómendegenin habarlady. Jalpy, sybaılas jemqorlyq quqyq buzýshylyqtar deńgeıiniń tómendeýiniń, halyqtyń sybaılas jemqorlyqqa qarsy belsendiliginiń artýynyń oń serpini atap ótildi, onyń ishinde sybaılas jemqorlyqqa qarsy jumysty uıymdastyrý men júrgizýdegi jańa tásilderdiń nátıjesi boldy.

«Qalada ashyqtyq úrdisi baıqalady. Almaty sybaılas jemqorlyq deńgeıi boıynsha «qyzyl aımaqtan» shyqty. Sybaılas jemqorlyqqa qarsy qyzmettiń joǵary baǵasy «Almaty – adaldyq alańy» jobasynyń jaqsy áleýetke ıe ekendigin bildiredi. Almatyda jumys durys baǵytta júrip jatyr», - dedi Aleksandr Bratenkov.

Budan basqa, pandemııany eskere otyryp, «Almaty – adaldyq alańy» jobalyq keńsesi monıtorıngtik toptyń, sybaılas jemqorlyqqa qarsy is-qımyl Departamentiniń ókilderimen, sondaı-aq azamattyq belsendilerdi tarta otyryp, dárihanalarda karantındik sharalardyń saqtalýy boıynsha tekserýler, medısınalyq personaldyń, pasıentterdiń jáne kelýshilerdiń karantındik sharalardy saqtaýy turǵysynan medısınalyq mekemelerdiń monıtorıngi, sondaı-aq qashyqtan oqytýdy uıymdastyrý júrgizildi.

Jıyn barysynda ákimniń orynbasary Erjan Babaqumarov birlesken jobalardy júzege asyrýǵa qosqan úlesi úshin Aleksandr Bratenkovqa alǵys aıtyp, QR Sybaılas jemqorlyqqa qarsy is-qımyl agenttiginiń Tóraǵasy Alık Shpekbaevtyń atynan alǵys hat tabystap, jańa qyzmetine tabys tiledi.
Keńeske qatysýshylarǵa «Almaty – adaldyq alańy» jobasynyń jańa basshysy - Aınur Sábıtova, «Akselerator dobra: Izgilik elshisi» eriktiler qozǵalysynyń jetekshisi, Qazaqstan Respýblıkasy Prezıdenti janyndaǵy ulttyq qoǵamdyq senim keńesiniń múshesi usynyldy.

«Almaty – adaldyq alańy» jobasynyń kýratory, Almaty qalasy ákiminiń orynbasary Erjan Babaqumarov jobalyq keńseniń 2021 jylǵa arnalǵan mindetterin belgilep, qalalyq basqarmalar basshylyǵy men aýdan ákimdikterine birqatar naqty tapsyrmalar berdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir