Reseıge taǵy sanksııa salynbaq. Eýroparlament rezolıýsııa qabyldady

Eýroparlament Reseı bıligi oppozısıoner Alekseı Navalnyıdy qamaýyna baılanysty Eýro odaq elderin Reseıge qarsy sanksııany kúsheıtýge shaqyrdy.

581 depýtat qoldap, 50 depýtat qarsy daýys berip, 44 depýtat qalys qalǵan rezolıýsııada parlament EO-ǵa múshe elderdi Alekseı Navalnyıdy qamaýǵa baılanysty belsendi pozısııa ustanýǵa, Reseıge qatysty shekteý sharalaryn kúsheıtýge shaqyrǵan. Bul Navalnyıdy ustaýǵa qandaıda bir baılanysy bar jeke jáne zańdy tulǵalarǵa da qatysty.

Sanksııa EO elderinde aktıvteri bar jáne sol elderge bara alatyn prezıdent Pýtın rejımimen baılanysy bar reseılik olıgarhtarǵa, Pýtınge jaqyn adamdar men reseılik BAQ-taǵy propagandısterge de salynýǵa tıistigi aıtylady.

Sondaı-aq EO-nyń adam quqyǵy salasy boıynsha jahandyq sanksııalardyń jańa rejımine baılanysty qosymsha shekteý sharalary engizilýi múmkin.

Depýtattar Eýro odaq budan bylaı shyǵý tórkini belgisiz reseılik baılyqqa qonaqjaılyq tanytpaý kerektigine nazar aýdardy.

Sońynda rezolıýsııa Alekseı Navalnyı men onyń Reseıge oralýy barysynda ustalǵan ózge tulǵalardy dereý bosatýdy talap etedi. "Meıli ol jýrnalıster bolsyn, onyń komandasynyń múshesi nemese qoldaý kórsetken azamat bolsyn bosatylýǵa tıis" delingen eýroparlament saıtyndaǵy málimdemede.